ຂ່າວລາວ

ຄົ້ນນະໂຍບາຍຫຼຸດຄ່າກະແສໄຟຟ້າ ເພື່ອຊ່ວຍເຫຼືອພໍ່ແມ່ປະຊາຊົນໃນໄລຍະວິກິດການລະບາດຂອງພະຍາດ COVID-19

ເພື່ອປະຕິບັດຕາມ ຂໍ້ຕົກລົງຂອງ ນາຍົກລັດຖະມົນຕີ ສະບັບເລກທີ 31/ນຍ, ລົງວັນທີ 2 ເມສາ 2020 ວ່າດ້ວຍການກໍານົດນະໂຍບາຍ ແລະ ມາດຕະການ ເພື່ອຫຼຸດຜ່ອນຜົນກະທົບຈາກການລະບາດ ຂອງພະຍາດ COVID-19 ຕໍ່ເສດຖະກິດ ຂອງ ລາວ ໃນຂໍ້ທີ 7 ວ່າດ້ວຍ “ໃຫ້ຄົ້ນຄວ້າຜ່ອນຜັນລາຄາ ແລະ ຕໍ່ເວລາ ໃນການຊໍາລະຄ່າໄຟຟ້າ ແລະ ນໍ້າປະປາຂອງຜູ້ຊົມໃຊ້ຄົວເຮືອນ ແລະ ພາກທຸລະກິດ” ພາຍຫຼັງໄດ້ຮັບຂໍ້ຕົກລົງດັ່ງກ່າວ ກະຊວງພະລັງງານ ແລະ ບໍ່ແຮ່ ໄດ້ຮີບຮ້ອນສົບທົບກັບ ໜ່ວຍງານສະເພາະກິດ ຂອງ ລັດຖະບານ ທີ່ຄົ້ນຄ້​ວາ​ກ່ຽວ​ກັບ​ນະ​ໂຍ​ບາຍ​ທີ່​ຕິດ​ພັນ​ກັບ​ປະ​ຊາ​ຊົນ ແລະ ປະ​ຊາ​ຊົນ ເພື່ອຄົ້ນນະ ໂຍບາຍກ່ຽວກັບການຫຼຸດຄ່າກະແສໄຟຟ້າ ເພື່ອເປັນສ່ວນໜຶ່ງໃນການຊ່ວຍເຫຼືອພໍ່ແມ່ປະຊາຊົນ, ພະນັກງານ-ລັດຖະກອນ, ທະຫານ, ຕໍາຫຼວດ ແລະ ພາກທຸລະກິດ ໃນໄລຍະວິກິດການລະ ບາດຂອງພະຍາດ COVID-19. ຜ່ານການຄົ້ນຄວ້າ ກະຊວງພະລັງງານ ແລະ ບໍ່ແຮ່ […]

Read More
ຂ່າວລາວ

ດ່ານພາສີສາກົນນໍ້າພາວ ຈັດເກັບລາຍຮັບບໍ່ໄດ້ຕາມແຜນການ

ຕາມການລາຍງານຂອງ ທ່ານ ວຽງໄຊ ເທບໄກສອນ ຮອງຫົວໜ້າດ່ານສາກົນ ນໍ້າພາວ ເມືອງຄຳເກີດແຂວງ ບໍລິຄຳໄຊ ໃນວັນທີ 23 ເມສາ 2020 ໄດ້ໃຫ້ຮູ້ວ່າ: ການຈັດເກັບລາຍຮັບພາສີຜ່ານດ່ານສາກົນ ນໍ້າພາວ ງວດ 1 ຂອງປີ 2020 ໄດ້ພຽງ 48 ຕື້ກວ່າກີບ, ເທົ່າກັບ 58,98 ສ່ວນຮ້ອຍ ໃນນັ້ນແຜນການທີ່ວາງໄວ້ແມ່ນ 83 ຕື້ກີບ, ສາຍເຫດທີ່ບໍ່ສາມາດເກັບບັນລຸໄດ້ຕາມແຜນ ແມ່ນຜູ້ປະກອບການດ້ານທຸລະກິດຕ່າງປະເທດ ໄດ້ຢຸດຕິການສົ່ງສິນຄ້າໄລຍະປີໃໝ່ເຕດຫວຽດ, ກຸດຈີນ, ການນໍ້າເຂົ້າສິນຄ້າຂອງຜູ້ປະກອບການທີ່ເຄີຍນຳເຂົ້າໃນຊຸມປີຜ່ານມາໄດ້ນຳເຂົ້າດ່ານອື່ນ ແລະ ອີກສາຍເຫດໜຶ່ງແມ່ນຍ້ອນການຢຸດຕິການນຳເຂົ້າສິນຄ້າບາງປະເພດ ໃນໄລຍະກວດກາ, ຕິດຕາມ, ການແຜ່ເຊື້ອພະຍາດໂຄວິດ-19 ຈິ່ງບໍ່ສາມາດຈັດເກັບລາຍຮັບໄດ້ຕາມແຜນການທີ່ວາງໄວ້ ປະຈຸບັນເຈົ້າໜ້າທີ່ດ່ານສາກົນນໍ້າພາວ ແມ່ນໄດ້ເຂັ້ມງວດເອົາໃຈໃສ່ໃນການຈັດຕັ້ງປະຕິບັດຄຳສັ່ງຂອງຂັ້ນເທິງ, ເປັນຕົ້ນແມ່ນການຮັບ-ສົ່ງສິນຄ້າ ແມ່ນໄດ້ສັບປ່ຽນໂຊເຟີທັງຂາເຂົ້າ ແລະ ຂາອອກ, ພ້ອມໄດ້ມີການສີດຢາຂ້າເຊື້ອລົດບັນທຸກສິນຄ້າທີ່ນຳເຂົ້າທຸກຄັນ, ປະຈຸບັນ ສ່ວນໃຫຍ່ສິນຄ້ານຳເຂົ້າ ແມ່ນຢູ່ໃນຂອບເຂດການອະນຸຍາດເທົ່ານັ້ນ ເປັນຕົ້ນແມ່ນນໍ້າມັນເຊື້ອໄຟ ແລະ ສິນຄ້າທີ່ຈຳເປັນຮັບໃຊ້ໂຄງການເທົ່ານັ້ນ. ການປ່ຽນຖ່າຍບາງສິນຄ້າສົ່ງອອກໄປຕ່າງເທດ ແລະ ສິນຄ້າເຂົ້າປະເທດທີ່ໄດ້ກຳນົດນັ້ນ […]

Read More
ຂ່າວຕ່າງປະເທດ

ມີຜູ້ເສຍຊີວິດຈາກໂຄວິດ-19 ລວມກັນກ່ວາ 200.000 ຄົນ

ສຳນັກຂ່າວຕ່າງປະເທດລາຍງານເມື່ອວັນທີ 25 ເມສາ 2020 ວ່າ ສູນຂໍ້ມູນພະຍາດຕິດເຊື້ອໄວຣັດໂຄໂຣນາແຫ່ງມະຫາວິທະຍາໄລຈອນ ຮ໊ອບກິນສ ລາຍງານສະຖານະການ ການແຜ່ລະບາດຂອງໄວຣັດໂຄວິດ-19 ວ່າ ມີຜູ້ເສຍຊີວິດສະສົມໃນທົ່ວໂລກເພີ່ມເປັນຫລາຍກ່ວາ 200.000 ຄົນ ຈາກຈຳນວນຜູ້ຕິດເຊື້ອເກືອບ 2.900.000 ຄົນ ແລະມີຜູ້ໄດ້ຮັບການປິ່ນປົວລວມແລ້ວຫລາຍກ່ວາ 800.000 ຄົນ   ດ້ານອົງການອານາໄມໂລກ ອອກຖະແຫລງການເມື່ອວັນເສົາວ່າ ຍັງບໍ່ມີຫລັກຖານຢືນຢັນທາງວິທະຍາສາດວ່າ ຜູ້ທີ່ຫາຍດີຈາກການຕິດເຊື້ອໂຄວິດ-19 ແລ້ວຈະມີການສ້າງສານພູມຕ້ານທານໃນຮ່າງກາຍ ປ້ອງກັນໃຫ້ບໍ່ມີການກັບມາຕິດເຊື້ອ ແລະເຈັບປ່ວຍຊ້ຳອີກ ແຕ່ຫວັງວ່າ ຢ່າງຫນ້ອຍທີ່ສຸດຮ່າງກາຍຂອງຄົນເຈັບການພະຍາດນີ້ຈະສ້າງພູມຄຸ້ມກັນຂື້ນມາໃນລະດັບຫນຶ່ງ   ອົງການອານາໄມໂລກຍັງສະແດງຄວາມກັງວົນ ພ້ອມທັງເຕືອນການທີ່ລັດຖະບານບາງປະເທດມີນະໂຍບາຍອອກເອກະສານຮັບຮອງໃຫ້ກັບຜູ້ທີ່ປົວດີແລ້ວ ວ່າຈະຍິ່ງເພີ່ມຄວາມສ່ຽງ ແລະຄວາມຊະລ້າໃຈໃຫ້ກັບປະຊາຊົນ ກາຍເປັນການຫລຸດຄວາມລະມັດລະວັງໃນເລື່ອງນີ້ໄປໃນໂຕ

Read More
ຂ່າວຕ່າງປະເທດ

ອາເມຣິກາມີຜູ້ເສຍຊີວິດຈາກໂຄວິດ-19 ແລ້ວເກີນ 50.000 ຄົນ

ສຳນັກຂ່າວຕ່າງປະເທດລາຍງານເມື່ອວັນທີ 24 ເມສາ 2020 ວ່າ ສູນຂໍ້ມູນພະຍາດໂຄໂຣນາແຫ່ງມະຫາວິທະຍາໄລຈອນ ຮ໊ອບກິນສ ລາຍງານສະຖານະການການແຜ່ລະບາດຂອງໄວຣັດໂຄວິດ-19 ໃນອາເມຣິກາວ່າ ມີຜູ້ເສຍຊີວິສະສົມເພີ່ມເປັນຢ່າງຫນ້ອຍ 51.000 ຄົນຈາກຈຳນວນຜູ້ຕິດເຊື້ອສະສົມກ່ວາ 890.000 ຄົນ ຖືເປັນສະຖິຕິສະສົມຫລາຍທີ່ສຸດໃນໂລກ ທັງໃນສ່ວນຂອງຜູ້ຕິດເຊື້ອ ແລະຜູ້ເສຍຊີວິດ   2. ສະເປນ ມີຜູ້ຕິດເຊື້ອສະສົມຢ່າງຫນ້ອຍ 213,024 ຄົນ ເສຍຊີວິດສະສົມ 22,157 ຄົນ ປິ່ນປົວຫາຍດີສະສົມ 89,250 ຄົນ 3. ອິຕາລີ ມີຜູ້ຕິດເຊື້ອສະສົມຢ່າງຫນ້ອຍ 189,973 ຄົນ ເສຍຊີວິດສະສົມ 25,549 ຄົນ ປິ່ນປົວຫາຍດີສະສົມ 57,576 ຄົນ 4. ຝລັ່ງ ມີຜູ້ຕິດເຊື້ອສະສົມຢ່າງຫນ້ອຍ 158,183 ຄົນ ເສຍຊີວິດສະສົມ 21,856 ຄົນ ປິ່ນປົວຫາຍດີສະສົມ 42,088 ຄົນ 5. ເຢຍລະມັນ ມີຜູ້ຕິດເຊື້ອສະສົມຢ່າງຫນ້ອຍ 153,129 […]

Read More
ຂ່າວລາວ

ຈີນ ສົ່ງຄະນະຊ່ຽວຊານການແພດ ພ້ອມດ້ວຍອຸປະກອນການແພດຊ່ວຍເຫຼືອ ສປປ ລາວໃນການຕ້ານພະຍາດໂຄວິດ-19 ເປັນຄັ້ງທີ່ 2

ຕາມຂ່າວ cri ໃຫ້ຮູ້ວ່າ ໃນວັນທີ 24 ເມສາ 2020 ນີ້, ທີ່ສະໜາມບິນສາກົນວັດໄຕ ນະຄອນຫຼວງວຽງຈັນ ລັດຖະບານຈີນ ໄດ້ສົ່ງຄະນະຊ່ຽວຊານການແພດກອງທັບປົດປ່ອຍປະຊາຊົນຈີນ ພ້ອມດ້ວຍອຸປະກອນການແພດຈຳນວນໜຶ່ງ ມາຊ່ວຍເຫຼືອ ສປປ ລາວ ອີກຄັ້ງ ເພື່ອຮ່ວມກັນຕ້ານການແຜ່ລະບາດຂອງພະຍາດໂຄວິດ-19. ໂອກາດນີ້, ທ່ານ ພົນຕີ ແອສະໄໝ ເລືອງວັນໄຊ ໄດ້ສະແດງຄວາມຍ້ອງຍໍຊົມເຊີຍ ຕໍ່ລັດຖະບານ ກໍຄື ກອງທັບປົດປ່ອຍປະຊາຊົນຈີນ ທີ່ໄດ້ມີຄວາມເປັນຫ່ວງເປັນໃຍ ຕໍ່ລັດຖະບານ ກໍຄືປະຊາຊົນລາວ ບັນດາເຜົ່າເຊິ່ງໄດ້ສະແດງໃຫ້ເຫັນເຖິງຄວາມສາມັກຄີ ຊ່ວຍເຫຼືອເຊິ່ງກັນ ແລະກັນ ແບບເພື່ອນມິດສະຫາຍທີ່ໃກ້ຊິດກັນ. ພ້ອມກັນນີ້, ກໍ່ຈະໄດ້ນຳເອົາອຸປະກອນການແພດດັ່ງກ່າວ ໄປແຈກຢາຍໃຫ້ຕາມບັນດາໂຮງໝໍຂອງກອງທັບ, ບັນດາກົມກອງ, ກອງພົນໃຫ່ຍ, ກອງບັນຊາການທະຫານແຂວງ ເພື່ອນໍາໃຊ້ເຂົ້າໃນການຕໍ່ຕ້ານພະຍາດໂຄວິດ-19 ໃຫ້ມີປະສິດທິຜົນດີທີ່ສຸດ. ສໍາລັບຄະນະຊ່ຽວຊານການແພດກອງທັບປົດປ່ອຍປະຊາຊົນຈີນ ທີ່ເດີນທາງມາຊ່ວຍເຫຼືອ ສປປ ລາວ ໃນຄັ້ງນີ້ ມີທັງໝົດ 5 ທ່ານ ເຊິ່ງຈະໄດ້ໄປປະຈຳການ ຢູ່ໂຮງໝໍ 103, ພ້ອມນັ້ນ ຍັງມີອຸປະກອນການແພດ […]

Read More
ຂ່າວລາວ

ອາໄລນັກຮ້ອງດັງ ກິດາວເພັດ ຫນູຫ່ວງ

ຂ່າວເສົ້າໃນວົງການເພງ ທ່ານ ກິດາວເພັດ ຫນູຫ່ວງ ເຈົ້າຂອງບົດເພງດັງຫຼາຍບົດເພງ ຫົວໜ້າວົງດົນຕີໜຸ່ມໂກສິນ ໄດ້ມໍລະນະກຳແລ້ວ ດ້ວຍພະຍາດຂອງຜູ້ກ່ຽວເອງ ໃນເວລາເຊົ້າມືດ ຂອງວັນທີ 24 ເມສາ 2020 ລວມອາຍຸໄດ້ 48ປີ ດັ່ງນັ້ນຈື່ງຂໍແຈ້ງມາຍັງເພື່ອນມິດສະຫາຍ ແລະ ແຟນເພັງຂອງເພິ່ນທົ່ວປະເທດຊາບທົ່ວເຖິງກັນ ຂໍໃຫ້ດວງວິນຍານຂື້ນສູ່ສະຫວັນຊັ້ນຟ້າ (ລາຍລະອຽດເພີ່ມຕື່ມຈະລາຍງານເພີ່ມຕື່ມ) ສະແດງຄວາມເສຍໃຈນຳຄອບຄົວດ້ວຍ  

Read More
ຂ່າວລາວ
ຂ່າວສັງຄົມ

ກະຊວງແຮງງານ ຄົ້ນຄວ້ານະໂຍບາຍ ແລະມາດຕະການຊ່ວຍເຫລືອຜູ້ອອກແຮງງານທີ່ໄດ້ຮັບຜົນກະທົບ

ກອງປະຊຸມລັດຖະບານ ສະໄໝສາມັນ ປະຈຳເດືອນເມສາ ໃນຕອນເຊົ້າວັນທີ 23 ເມສາ 2020 ທີ່ຫ້ອງວ່າການສຳນັກງານນາຍົກ, ນະຄອນຫລວງວຽງຈັນ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເຊິ່ງມີບັນດາສະມາຊິກລັດຖະບານ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ກອງປະຊຸມດັ່ງກ່າວ ຈະດຳເນີນເປັນເວລາ 1 ວັນເຕັມ ເພື່ອປຶກສາຫາລືບັນຫາສຳຄັນຕ່າງໆ ໂດຍສະເພາະກ່ຽວກັບການແກ້ໄຂຜົນກະທົບ ຈາກການແຜ່ລະບາດຂອງພະຍາດໂຄວິດ-19 , ໃນນີ້ ທ່ານ ປອ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຄົ້ນຄວ້ານະໂຍບາຍ ແລະ ມາດຕະການຊ່ວຍເຫລືອບັນດາຜູ້ອອກແຮງງານທີ່ໄດ້ຮັບຜົນກະທົບຈາກພະຍາດໂຄວິດ-19 ໂດຍສະເໜີ 3 ແນວທາງຕໍ່ລັດຖະບານ ເພື່ອຄົ້ນຄວ້າພິຈາລະນາ. ກະຊວງແຮງງານ ແລະ ສະຫວັດດີການສັງຄົມ ໄດ້ນຳສະເໜີບົດລາຍງານຜົນການຄົ້ນຄວ້ານະໂຍບາຍ ແລະ ມາດຕະການຊ່ວຍເຫລືອກຸ່ມເປົ້າໝາຍ ທີ່ໄດ້ຮັບຜົນກະທົບຈາກການລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ໂຄວິດ-19 ສະບັບເລກທີ […]

Read More
ຂ່າວລາວ
ຂ່າວສັງຄົມ

ພາຍຸລະດູຮ້ອນພັດຖະຫລົ່ມເມືອງຕຸ້ມລານ ມີຜູ້ເສຍຊີວິດ 1 ຄົນ

ໃນລະຫວ່າງວັນທີ 21-22 ເມສາ 2020 ຫຼາຍບ້ານຂອງເມືອງຕຸ້ມລານໄດ້ຮັບຜົນກະທົບຈາກພາຍຸລະດູຮ້ອນຢ່າງໜັກ, ຜ່ານການປະເມີນຄວາມເສຍຫາຍໃນຄັນເບື້ອງຕົນໃຫ້ຮູ້ວ່າ: ລົມພາຍຸໃນຄັ້ງນີ້ໄດ້ສ້າງຄວາມເສຍຫາຍທັງຊັບສິນ ແລະຊີວິດຂອງພໍ່ແມ່ປະຊາຊົນ ເຊັ່ນ: ເຮັດໃຫ້ເຮືອນຊານເປ່ເພ ທັງໝົດ 166 ຫຼັງຄາເຮືອນ, ເລົ້າເຂົ້າ 29 ຫຼັງ. ສັງກະສີຈໍານວນ 2,513 ແຜນ, ກະເບື້ອງ 95 ແຜນ. ຕາມການລາຍງານຂອງປະຊາຊົນໃຫ້ຮູ້ວ່າ: ມີຜູ້ທີໄດ້ຮັບບາດເຈັບຈຳນວນ 6 ຄົນ, ແລະ ເສຍຊີວິດ 1 ຄົນ, ສ່ວນຫຼາຍລະອຽດໃນການປະເມີນມູນຄ່າຄວາມເສຍຫາຍແມ່ນທາງພາກສ່ວນທີ່ກ່ຽວຂ້ອງກຳລັງລວບລວມຂໍ້ມູນ. ໂດຍ: ວຽງສະຫວັນ ແສນຄຳ (ນັກຂ່າວເມືອງຕຸ້ມລານ)

Read More
ຂ່າວລາວ
ຂ່າວສັງຄົມ

ຍິນດີນຳ ຜູ້ຕິດເຊື້ອໂຄວິດ 19 ຢູ່ຫລວງພະບາງ 2 ຄົນອອກໂຮງຫມໍແລ້ວ

ລາຍງານໃຫ້ຮູ້ວ່າ ເມື່ອວັນທີ 23 ເມສາ 2020 ຜູ້ຕິດເຊື້ອໂຄວິດ-19 ຢູ່ແຂວງຫລວງພະບາງ 2 ຄົນ ຈາກທັງຫມົດ 3 ຄົນໄດ້ຮັບອະນຸຍາດໃຫ້ກັບບ້ານແລ້ວຫລັງຮັບການປິ່ນປົວຢູ່ໂຮງຫມໍເກືອບ 1 ເດືອນ ເປັນເພດຊາຍ 1 ຄົນ ອາຊີບ ຄົນຂັບລົດນຳທ່ຽວ ແລະເພດຍິງອີກຄົນ 1 ຊຶ່ງທັງສອງເປັນຜົວເມຍກັນ ຊຶ່ງກ່ອນຈະອານຸຍາດໃຫ້ອອກໂຮງໝໍໄດ້ ແມ່ນມີການກວດຢືນຢັນ ເປັນຜົນລົບ (ບໍ່ພົບເຊື້ອ) ເຖິງ 2 ຄັ້ງ ຈຶ່ງໄດ້ຮັບອະນຸຍາດຈາກແພດຫມໍໃຫ້ອອກໄດ້ . 2 ຄົນທີ່ປິ່ນປົວດີ ແລະ ອອກໂຮງໝໍມື້ນີ້ ກໍລະນີທີ 5 ເພດຊາຍ ອາຍຸ 52 ປີ ບ້ານ ວິຊຸນ ແຂວງຫຼວງພະບາງ ເຂົ້າປິ່ນປົວຢູ່ໂຮງໝໍຫຼວງພະບາງ ວັນທີ 26/3/2020. ກໍລະນີທີ 7 ເພດຍິງ ອາຍຸ 50 ປີ ບ້ານ ວິຊຸນ […]

Read More
ຂ່າວຕ່າງປະເທດ

ອົງການອານາໄມໂລກເຕືອນ ໂຄວິດ-19 ຈະຍັງຄົງຢູ່ກັບມະນຸດອີກດົນ

ສຳນັກຂ່າວຕ່າງປະເທດລາຍງານ ເມື່ອວັນທີ່ 23 ເມສາ 2020 ວ່າ ທ່ານເທດຣອສ ແອດນາຮອມ ເກເບຣເຢຊຸສ ຜູ້ອຳນວຍການອົງການອານາໄມໂລກ (WHO) ຖະແຫຼງເມື່ອວັນພຸດ ກ່ຽວກັບສະຖານະການການແຜ່ລະບາດຂອງໄວຣັດໂຄວິດ-19 ວ່າພະຍາດດັງກ່າວຈະຍັງຢູ່ຮ່ວມກັບມະນຸດ ອີກດົນ ຫມາຍຄວາມວ່າຫົນທາງສູ່ການມີໄຊຊະນະເຫນືອເຊື້ອພະຍາດນີ້ ຍັງອີກຍາວໄກ ດັງນັ້ນການດຳເນີນງານຂອງທຸກຝ່າຍ ຈະຜິດພາດບໍ່ໄດ້ ທ່ານ ເທດຣອສກ່າວວ່າ ປະເທດສ່ວນໃຫ່ຍຍັງຢູ່ໃນ ໄລຍະທຳອິດ ຂອງການແຜ່ລະບາດ ຂະນະທີ່ບາງປະເທດຊື່ງປະເຊີນກັບການແຜ່ລະບາດເປັນກຸ່ມທຳອິດກຳລັງປະເຊີນກັບການແຜ່ລະບາດ ຄັ້ງໃຫ່ມ ດ້ານທ່ານໄມເຄິລ ໄຣອັນ ປະທານໂຄງສຸກເສີນດ້ານສາທາລະນະສຸກຂອງ WHO ກ່າວເຖິງການກັບມາເປີດເສັ້ນທາງການບິນລະຫວ່າງປະເທດອີກຄັ້ງ ວ່າຕ້ອງມີການບໍລິຫານຈັດການຄວາມສ່ຽງໃຫ້ດີຄວບຄູ່ກັນໄປນຳ ທັງນີ້ WHO ກຳລັງຈັບຕາສະຖານະການການແຜ່ລະບາດຂອງເຊື້ອໄວຣັດໂຄວິດ-19 ໃນທະວີບອາຟຣິກາທີ່ການລະບາດແຜ່ໄປແລ້ວໃນຢ່າງນ້ອຍ 56 ປະເທດ ແລະດິນແດນ ມີຜູ້ຕິດເຊື້ອສະສົມລວມກັນຫລາຍກວ່າ 25.000 ຄົນ ແລະເສຍຊີວິດສະສົມແລ້ວປະມານ 1.200 ຄົນ ທ່ານໄຣອັນ ຍັງກ່າວວ່າສະຖານະການພະຍາດໂຄວິດ-19 ໃນທະວີບອາຟຣິກາ ຍັງເປັນແຕ່ພຽງການເລີ່ມຕົ້ນ ແລະຕ້ອງເຝົ້າລະວັງຫລາຍເປັນພິເສດ ໂດຍສະຖິຕິຜູ້ຕິດເຊື້ອໃນໂຊມາເລຍຕອນນີ້ມີຢ່າງຫນ້ອຍ 286 ຄົນ ແຕ່ເພີ່ມຂື້ນເກືອບ 300% […]

Read More
ຂ່າວລາວ

ຂ່າວດີຕໍ່ເນື່ອງ ລາວ ບໍ່ພົບຜູ້ຕິດເຊື້ອໂຄວິດເປັນເວລາ 11 ມື້

ທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດ ຕ້ານພະຍາດໂກວິດ 19 ຖະແຫລງຕໍ່ສື່ມວນຊົນ ຕອນບ່າຍວັນທີ 23 ເມສານີ້ວ່າ: ການເຝົ້າລະວັງ ແລະ ວິເຄາະ ໄດ້ເກັບຕົວຢ່າງມາກວດທັງໝົດ 67 ຄົນ, ໃນນັ້ນມີຜູ້ສຳຜັດໃກ້ຊິດກັບຜູ້ຕິດເຊື້ອ 5 ຄົນ, ກໍລະນີມີອາການສົງໄສ 11 ຄົນ ແລະ 51 ຄົນ ຈາກແຮງງານລາວທີ່ກັບມາແຕ່ໄທ (ມີອາການ 2 ຄົນ ແລະ ບໍ່ມີອາການ 49 ຄົນ). ທັງໝົດ 67 ກໍລະນີ ບໍ່ພົບເຊື້ອ. ໝາຍຄວາມວ່າໃນວັນທີ 22 ເມສາ 2020 ບໍ່ມີກໍລະນີໃໝ່.   ການຕິດຕາມຢູ່ສະຖານທີ່ຈຳກັດບໍລິເວນຂອງແຂວງ ແລະ ຜູ້ຈຳກັດບໍລິເວນ ຢູ່ເຮືອນ ສຳລັບຜູ້ເດີນທາງມາຈາກຕ່າງປະເທດ ມາຮອດວັນທີ 22 ເມສາ 2020 ທົ່ວປະເທດ ຍັງມີ ສູນຈໍາກັດບໍລິເວນ […]

Read More
ຂ່າວລາວ
ຂ່າວເສດຖະກິດ

ຂ່າວດີ! ປັບລົງລາຄານ້ຳມັນທຸກຊະນິດ 400 ກີບຕໍ່ລິດ

ກະຊວງອຸດສາຫະກຳ ແລະການຄ້າ ແຈ້ງການປັບລົງລາຄານ້ຳມັນທຸກຊະນິດ 400 ກີບຕໍ່ລິດ ປະຕິບັດເລີ່ມແຕ່ເວລາ 6:00 ໂມງຂອງວັນທີ 24 ເມສາເປັນຕົ້ນໄປ

Read More
ຂ່າວຕ່າງປະເທດ

ນັກວິທະຍາສາດຈີນ ພົບໂຄວິດ-19 ກາຍພັນເຖິງ 33 ສາຍພັນ

ສຳນັກຂ່າວຕ່າງປະເທດລາຍງານເມື່ອວັນທີ 22 ເມສາ 2020 ວ່າ ທີມນັກວິໄຈຈາກມະຫາວິທະຍາໄລ ເຈີ້ຈຽງ ຊື່ງລວມເຖິງສາດສະດາຈານ ຫລີ່ ຫລານຈວນ ຫນື່ງໃນນັກວິທະຍາສາດລະດັບຕົ້ນໆຂອງປະເທດຈີນ ແລະເປັນຄົນທຳອິດທີ່ສະເຫນີໃຫ້ລ໊ອກດາວເມືອງອູ່ຮັ່ນ ສະຖານທີ່ທຳອິດຊຶ່ງໂຄວິດ-19 ລະບາດ ລະບຸວ່າ ພວກເຂົາມີຫລັກຖານວ່າ ໄວຣັດໂຄວິດ-19 ສາມາດກາຍພັນປ່ຽນແປງຄວາມສາມາດໃນການກໍ່ພະຍາດຂອງຕົວເອງໄດ້ຫລາຍແບບ ຜົນຈາກການສຶກສາລະບຸວ່າ ການວິໄຈໃຊ້ຕົວຢ່າງຈາກຄົນເຈັບທີ່ຕິດເຊື້ອ 11 ຄົນ ຊື່ງປິ່ນປົວຢູ່ທີ່ໂຮງຫມໍຕ່າງໆ ໃນເມືອງຫັງໂຈວ ຫ່າງຈາກເມືອງອູ່ຮັ່ນປະມານ 700 ກມ ລະຫວ່າງວັນທີ່ 22 ກຸມພາ 4 ມີນາ ຊື່ງເປັນຊ່ວງທຳອິດ ຂອງການລະບາດ ພວກຕົນສາມາດຈຳແນກ ສາຍພັນຂອງໄວຣັດ ຊາຣ-ໂຄວີ-2 ຫລື ໂຄວິດ-19 ໄດ້ເຖິງ 33 ສາຍພັນ ໃນຈຳນວນນີ້ມີ 19 ສາຍພັນທີ່ບໍ່ເຄີຍພົບມາກ່ອນ ໄວຣັດສາຍພັນທີ່ຮຸນແຮງທີ່ສຸດທີ່ພົບໃນຕົວຢ່າງທົດລອງ ຍັງຖືກພົບໃນຜູ້ຕິດເຊື້ອສ່ວນໃຫ່ຍທົ່ວຢູໂຣບ ຂະນະທີ່ສາຍພັນທີ່ຄວາມຮຸນແຮງຫນ້ອຍກວ່າ ເປັນຊະນິດດຽວກັບທີ່ພົບໃນຫລາຍພື້ນທີ່ຂອງອາເມຣິກາເຊັ່ນ ລັດວໍຊິງຕັນ ນອກຈາກນີ້ຍັງມີສາຍພັນຫນື່ງທີ່ພົບໃນຕົວຢ່າງຂອງຜູ້ຕິດເຊື້ອ 5 ລາຍ ເປັນຊະນິດດຽວກັບທີ່ກ່ອນຫນ້ານີ້ພົບໃນຜູ້ຕິດເຊື້ອທີ່ອອສເຕຣເລຍພຽງລາຍດຽວເທົ່ານັ່ນ ທີມນັກວິໄຈເຕືອນວ່າ […]

Read More
ຂ່າວລາວ

ນະຄອນຊຽງໄຮ້ ສປ ຈີນ ມອບອຸປະກອນການແພດໃຫ້ແກ່ ນະຄອນຫຼວງວຽງຈັນ

ຕາມຂ່າວສານ cri ໃຫ້ຮູ້ວ່າ ໃນວັນທີ 21 ເມສານີ້ ທີ່ຫ້ອງວ່າການ ນະຄອນຫຼວງວຽງຈັນ ໄດ້ຈັດພິທີມອບ-ຮັບອຸປະກອນການແພດ ຈາກອົງການປົກຄອງນະຄອນຊຽງໄຮ້ ສປ ຈີນ ມອບໃຫ້ອົງການປົກຄອງນະຄອນຫຼວງວຽງຈັນ ເພື່ອຕ້ານພະຍາດປອດອັກເສບຈາກເຊື້ອຈຸລະໂລກສາຍພັນໃໝ່ (Covid-19). ຕາງໜ້າຝ່າຍຈີນ ມອບໂດຍທ່ານ ຈ່ຽງຈ້າຍຕົ່ງ ເອກອັກຄະລັດຖະທູດ ສປ ຈີນ ປະຈຳ ສປປ ລາວ ແລະຮັບໂດຍທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ. ເຄື່ອງຊ່ວຍເຫຼືອທີ່ມອບ-ຮັບໃນຄັ້ງນີ້ລວມມີ: ຜ້າປິດປາກທົ່ວໄປ ຈຳນວນ 30.000 ອັນ, ຜ້າປິດປາກ N95 ຈຳນວນ 3.000 ອັນ, ຊຸດປ້ອງກັນຕົວເອງ ຈຳນວນ 400 ຊຸດ ລວມມູນຄ່າທັງໝົດ ຫຼາຍກວ່າ 13.500 ໂດລາ. ໂອກາດນີ້, ທ່ານ ສິນລະວົງ ຄຸດໄພທູນ ໄດ້ສະແດງຄວາມຂອບອົກຂອບໃຈ ພັກ, ລັດຖະບານ ແລະປະຊາຊົນຈີນ […]

Read More
ຂ່າວລາວ

ເມືອງໂຂງມີແຮງງານກັບເຮືອນແລ້ວຈຳນວນ 3.201 ຄົນ ຫຼັງຈາກທີ່ໄດ້ກັກກັນຕົນເອງຄົບ 14 ວັນ ໃນຈຳນວນ 70 ສູນໃນທົ່ວເມືອງ

ເມືອງໂຂງ ແຂວງຈຳປາສັກ ກໍແມ່ນເມືອງໜຶ່ງທີ່ມີຈຳນວນແຮງງານຈຳນວນບໍໜ້ອຍກັບມາຈາກການໄປອອກແຮງງານຢູ່ຕ່າງປະເທດ ພາຍຫຼັງທີ່ໄດ້ພົບກັບບັນຫາການລະບາດຂອງເຊື້ອພະຍາດໂຄວິດ-19 ໃນທົ່ວທຸກມຸມໂລກ ເວົ້າສະເພາະເມືອງໂຂງ ມີແຮງງານທີ່ກັບມາຈາກການໄປອອກແຮງງານທັງໝົດ 3.252 ຄົນ ຍິງ 1.559 ຄົນໃນຈຳນວນດັ່ງກ່າວນີ້ ແມ່ນໄດ້ຖືກກັກກັນຕາມສູນທີ່ເມືອງໄດ້ກຳນົດໄວ້ 70 ສູນ ໂດຍນຳໃຊ້ໂຮງຮຽນ ບາງກຸ່ມບ້ານກໍນຳໃຊ້ຖຽງນາ ແລະ ເຮືອນທີ່ບໍ່ມີຄົນພັກອາໄສ ມາເຖິງປັດຈຸບັນ ມີຈຳນວນແຮງງາງທີ່ຢູ່ສູນກັກກັນຄົບກຳນົດ 14 ວັນ ແລ້ວກັບເມືອເຮືອນມີຈຳນວນທັງໝົດ 3.201 ຄົນ ຍິງ 1.532 ຄົນ. ຕົວເລກດັ່ງກ່າວ ແມ່ນໄດ້ຖືກລາຍງານຈາກທ່ານ ສົມສະໜຸກ ຫອມກິ່ງແກ້ວ ຫົວໜ້າຫ້ອງວ່າການປົກຄອງເມືອງໂຂງ ຊຶ່ງລາຍງານຕໍ່ກອງປະຊຸມປະເມີນສະຫຼຸບວຽກງານຕ້ານສະກັດກັ້ນ ກັນການລະບາດ ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ໃນຕອນບ່າຍຂອງວັນທີ 20 ເມສານີ້ ທີ່ຫ້ອງປະຊຸມຫ້ອງວ່າການປົກຄອງເມືອງ ພາຍໃຕ້ການເຂົ້າຮ່ວມເປັນປະທານຂອງທ່ານນາງ ຄຳພູ ລິດທິສັກ ເລຂາພັກເມືອງ ເຈົ້າເມືອງໆໂຂງ ມີບັນດາທ່ານໃນຄະນະປະຈຳພັກເມືອງ ກຳມະການພັກເມືອງ ຫົວໜ້າກອງບັນຊາການ ປກສ-ປກຊ ເມືອງ ກອງຮ້ອຍທະຫາຍຊາຍແດນ […]

Read More
ຂ່າວຕ່າງປະເທດ

ລາຄານ້ຳມັນໃນອາເມຣິກາ ຕິດລົບເປັນຄັ້ງປະຫວັດສາດ

ສຳນັກຂ່າວຕ່າງປະເທດລາຍງານເມື່ອວັນທີ 20 ເມສາ 2020 ວ່າ ສັນຍາຊື້ຂາຍລ່ວງຫນ້ານ້ຳມັນເວສຕເທກຊັສ ອິນເຕີມີດຽດ (WTI) ຊຶ່ງເປັນເກນມາດຕະຖານໂລກງວດສົ່ງມອບເດືອນພຶດສະພາ ຍັງຄົງຊຸດໂຕລົງຢ່າງຕໍ່ເນື່ອງຈົນລາຄາຢູ່ໃນແດນລົບທີ່ -37.63 ດອນລາຕໍ່ບາເຣລ ໃນຊ່ວງຫນຶ່ງຂອງການຊື້ຂາຍເມື່ອວັນຈັນ ລາຄາດັ່ງກ່າວຫລຸດລົງປະມານ 305% ຈາກລາຄາປິດຕະຫລາດເມື່ອວັນສຸກທີ່ຜ່ານມາ ແລະຖືເປັນຄັ້ງທຳອິດໃນປະຫວດສາດການຊື້ຂາຍນ້ຳມັນດິບໃນຕະຫລາດໂລກ ທີ່ລາຄານ້ຳມັນຕິດລົບ ທັງນີ້ຄວາມຕ້ອງການນ້ຳມັນໃນຕະຫລາດໂລກຫລຸດລົງ 30% ຕັ້ງແຕ່ເດືອນມີນາທີ່ຜ່ານມາ ເນື່ອງຈາກວິກິດການແຜ່ລະບາດຂອງໄວຣັສໂຄວິດ-19 ເຖິງແມ່ນວ່າ ໂອເປັກ ເຫັນດີໃຫ້ຫລຸດກຳລັງການຜະລິດລົງ 9.7 ລ້ານບາເຣລຕໍ່ວັນ ແຕ່ຍັງສ້າງຄວາມເຊື່ອຫມັ້ນໃຫ້ນັກລົງທຶນບໍ່ໄດ້ The price of US oil has fallen below $0, meaning that some producers are paying customers to take oil off their hands https://t.co/vgRP8fvLUg pic.twitter.com/4xcK2aDNgp — CNN Breaking […]

Read More
ຂ່າວລາວ

ອຸ​ມົງ​ທີ່ມີ​ໜ້າ​ຕັດ​ໃຫຍ່​ທີ່​ສຸດ​ແຫ່ງ​ທຳ​ອິດ​ຂອງ​ທາງ​ລົດ​ໄຟ​ຈີນ-ລາວ​ໄດ້​ເຈາະ​ສຳ​ເລັດ

ຕາມຂ່າວສານ cri ລາຍງານໃຫ້ຮູ້ວ່າ ໃນວັນ​ທີ 19 ເມ​ສາ​ນີ້, ອຸ​ມົງ​ເລກ 2 ຈິງ​ຄ່ວນ​ທີ່​ຢູ່​ຕອນ​ຢຸ້ຍ​ສີ່-ບໍ​ຫານຂອງ​ທາງ​ລົດ​ໄຟ​ຈີນ-ລາວ​ທີ່ກຳ​ລັງ​ກໍ່​ສ້າງໃນ​ປະ​ຈຸ​ບັນ​ໄດ້​ເຈາະ​ສຳ​ເລັດ​ຢ່າງ​ສະ​ດວກ, ອຸ​ມົງ​ດັ່ງ​ກ່າວ​ເປັນອຸ​ມົງ​ທາງ​ດຽວ​ທີ່​ມີ​ໜ້າ​ຕັດ​ໃຫຍ່​ທີ່​ສຸດ ​ແລະຍາວ​ທີ່​ສຸດ​ແຫ່ງ​ທຳ​ອິດ​ທີ່​ໄດ້​ຮັບ​ການ​ເຈາະ​ສຳ​ເລັດ​ໃນ​ຕະ​ຫຼອດ​ເສັ້ນ​ທາງ​ລົດ​ໄຟ​ຈີນ-ລາວ, ການ​ເຈາະ​ສຳ​ເລັດ​ອຸ​ມົງ​ດັ່ງ​ກ່າວ​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ, ນັບ​ແຕ່​ໄດ້​ຟື້ນ​ຟູ​ການກໍ່​ສ້າງ​ຕະ​ຫຼອດສາຍ​ມານີ້, ການກໍ່​ສ້າງ​ຂອງ​ໂຄງ​ການ​ດັ່ງ​ກ່າວ​ໄດ້​ຮັບ​ຄວາມ​ຄືບ​ໜ້າຢ່າງ​ໃຫຍ່. ​ອຸ​ມົງ​ດັ່ງ​ກ່າວ​ຕັ້ງ​ຢູ່​ເມືອງ​ຊຽງ​ຮຸ່ງ ກິ່ງ​ແຂວງ​ສິບ​ສອງ​ພັນ​ນາ ແຂວງ​ຢຸນ​ນານ​ຈີນ, ຍາວ 4,6 ກິ​ໂລ​ແມັດ, ນັບ​ມາ​ຮອດ​ປະ​ຈຸ​ບັນ, ຕອ​ນ​ຢຸ້ຍ​ສີ່-ບໍ​ຫານ​ຂອງ​ທາງ​ລົດ​ໄຟ​ຈີນ-ລາວ​ໄດ້​ສຳ​ເລັດ​ການ​ລົງ​ທຶນ​ລວມ 38 ຕື້ 450 ລ້ານຢວນ, ໄດ້​ສຳ​ເລັດ​ການກໍ່​ສ້າງ​ໃນ​ແຜນຈຳ​ນວນ 76%, ໂຄງການກໍ່​ສ້າງ​ພື້ນ​ຖານ​ຕ່າງໆ​ໄດ້​ເຂົ້າ​ສູ່​ໄລ​ຍະ​ຍາດ​ເອົາ​ໄຊ​ຊະ​ນະ​ຂັ້ນ​ສຸດ​ທ້າຍ​ຢ່າງ​ຮອບ​ດ້ານ. ການ​ເຈາະ​ສຳ​ເລັດ​ຂອງ​ອຸ​ມົງ​ເລກ 2 ຈິງຄ່ວນ​ຈະ​ເຮັດ​ໃຫ້​ຂະ​ບວນ​ການກໍ່​ສ້າງ​ທາງ​ລົດ​ໄຟ​ຈີນ-ລາວ​ໄວ​ຂຶ້ນ​ຕື່ມ​ອີກ. ທາງ​ລົດ​ໄຟ​ຈີນ-ລາວຕອນ​ຢຸ້ຍ​ສີ່-ບໍ​ຫານ​ຍາວ 508 ກິ​ໂລ​ແມັດ, ຄວາມ​ໄວແລ່ນ​ລົດ​ໃນ​ການ​ອອກ​ແບບ​ແມ່ນ 160 ກິ​ໂລ​ແມັດ​ຕໍ່​ຊົ່ວ​ໂມງ, ຄາດ​ວ່າ ຈະ​ເລີ່ມ​ໃຫ້​ການ​ບໍ​ລິ​ການ​ນຳ​ໃຊ້​ພ້ອມ​ກັນ​ກັບ​ທາງ​ລົດ​ໄຟ​ຕອນ​ບໍ​ເຕັນ-ວຽງ​ຈັນ​ຂອງ​ລາວ​ໃນ​ທ້າຍ​ປີ 2021. ເມື່ອ​ຮອດ​ເວ​ລານັ້ນ, ລົດ​ໄຟໂດຍ​ສານ​ຈາກ​ເມືອງ​ຄຸ່ນ​ໝິງ​ຫາ​ສິບ​ສອງ​ພັ່ນ​ນາ​ໃຊ້​ເວ​ລາ​ພຽງ​ປະ​ມານ 3 ຊົ່ວ​ໂມງ​ເທົ່າ​ນັ້ນ, ຈະ​ບັນ​ລຸ​ການ​ອອກ​ເດີນ​ທາງ​ຕອນ​ແລງ ແລະ​ໄປ​ຮອດ​ນະ​ຄອນ​ຫຼວງວຽງ​ຈັນ​ໃນ​ຕອນ​ເຊົ້າ.

Read More
ຂ່າວລາວ

ມູນນິທິຊ່ວຍເຫລືອຜູ້ປະສົບໄພແຂວງຄຳມ່ວນ 1624 ເຄື່ອນໄຫວຊີດຢາຂ້າເຊື້ອພະຍາດພາຍໃນເທດສະບານເມືອງທ່າແຂກ

ໃນວັນທີ 19 ເມສາ 2020 ມູນນິທິຊ່ວຍເຫລືອຜູ້ປະສົບໄພແຂວງຄຳມ່ວນ 1624 ( ໜ່ວຍງານກູ້ໄພພົນຢາຂ້າເຊື້ອ )ໄດ້ເຄື່ອນໄຫວພົ່ນຢາຂ້າເຊື້ອພະຍາດຕາມເທດສະບານເມືອງທ່າແຂກໂດຍສະເພາະແມ່ນໂຮງໝໍແຂວງ ແລະ ຕາມເສັ້ນທາງໃນເທດສະບານເມືອງທ່າແຂກ ເພື່ອເປັນການສະກັດກັ້ນການແຜ່ລະບາດຂອງພະຍາດອັກເສບປອດ COVID 19 ທີ່ໄດ້ແຜ່ລະບາດໃນທົ່ວໂລກ. ມາຮອດປະຈຸບັນ ສປປ ລາວ ມີຜູ້ຕິດເຊື້ອ 19 ຄົນ,ໃນນີ້ປິ່ນປົວຫາຍດີແລ້ວ 2 ຄົນ. ສໍາລັບການເຝົ້າລະວັງການແຜ່ລະບາດຂອງພະຍາດອັກເສບປອດໃນແຂວງຄຳມ່ວນປະຈຸບັນຍັງບໍ່ມີກໍລະນີບຸກຄົນໃດທີ່ເຂົ້າຄ່າຍຕິດເຊື້ອ ແຕ່ເຖິງຢ່າງໃດກໍ່ຕາມກໍ່ຮຽກຮ້ອງໃຫ້ທຸກຄົນຈົ່ງມີສະຕິລະວັງຕົວ ແລະ ປະຕິບັດຕາມແຈ້ງການຂອງລັດຖະບານ, ພ້ອມທັງຕິດຕາມຂໍ້ມູນຂ່າວສານທີ່ເປັນປະໂຫຍດໃນການຕ້ານກັບພະຍາດດັ່ງກ່າວ.   ໃນໂອກາດນີ້ ທ່ານ ກ້ອນແກ້ວ ອຸດອນ ຜູ້ຊີ້ນຳມູນນິທິ 1624 ໄດ້ໃຫ້ຫ້ສຳພາດຕໍ່ສື່ມ່ວນຊົນທ້ອງຖິ່ນວ່າ : ຈຸດປະສົງໃນການເຄື່ອນໄຫວພົ່ນຢາແມ່ນເພື່ອເປັນການສະກັດກັ້ນການແຜ່ລະບາດຂອງພະຍາດອັກເສບປອດ ໂດຍໄດ້ເລີ່ມຈັດຕັ້ງປະຕິບັດມາແຕ່ວັນທີ 25 ມີນາ ເປັນຕົ້ນມາ, ຢູ່ຕາມໂຮງໝໍ ແລະ ສຳນັກງານຕ່າງໆ ຕາມເສັ້ນທາງພາຍໃນເທດສະບານເມືອງທ່າແຂກ, 3 ຄັ້ງ/ວັນ ແລະ ຂໍຮຽກຮ້ອງມາຍັງພໍ່ແມປະຊາຊົນຈົ່ງໄດ້ເປັນເຈົ້າການ ໃຫ້ການຮ່ວມມືກັບພວກເຮົາໃນເວລາປະຕິບັດໜ້າທີ່ ແລະ ປະຕິບັດຫລັກການຢູ່ເຮືອນເພື່ອຫລີກລ້ຽງການແຜ່ລະບາດຂອງພະຍາດ ແລະ ຖ້າຫາກພໍ່ແມ່ປະຊາຊົນຕ້ອງການຢາກໃຫ້ພວກເຮົາໄປພົ່ນໃຫ້ຢູ່ເຮືອນຂອງພວກທ່ານກໍ່ສາມາດແຈ້ງມາໄດ້ […]

Read More