อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ຈີນປັບວິທີກວດໄວຣັດໂຄວິດ-19 ເຮັດໃຫ້ພົບຜູ້ຕິດເຊື້ອເພີ່ມສູງຂື້ນກ່ວາ 15.000 ຄົນ

ສຳນັກຂ່າວຕ່າງປະເທດລາຍງານເມື່ອວັນທີ 13 ກຸມພາ 2020 ວ່າ ທາງການຈີນປັບວິທີກວດຫາຜູ້ຕິດເຊື້ອໄວຣັດໂຄວິດ-19 ຫລື ໂຄໂຣນາສາຍພັນໃຫ່ມ ຫລັງຈາກທີ່ຜ່ານມາ ໃຊ້ຊຸດທົດສອບ NAT ຖືກວິຈານວ່າມີອັດຕາຄາດເຄື່ອນ ສເຮັດສະຖິຕິຜູ້ຕິດເຊື້ອລວມ 15,000 ຄົນ ຜູ້ເສຍຊີວິດອີກປະມານ 1,360 ຄົນ ຫນ່ວຍງານດ້ານສາທາລະນະສຸກຂອງລັດຖະບານຈີນຖະແຫຼງປັບແນວທາງກວດຫາຜູ້ຕິດເຊື້ອໄວຣັດໂຄໂຣນາສາຍພັນໃຫ່ມ COVID-19 ໂດຍເພີ່ມວິທີການວິເຄາະທາງຄລີນິກ (Clinical diagnosis) ໃນການຈຳແນກຜູ້ຕິດເຊື້ອ ນອກເຫນືອຈາກການໃຊ້ຊຸດກວດກົດນິວຄລີອີກຂອງເຊື້ອໄວຣັດ (Nucleic Acid Test ຫລື NAT) ຊື່ງໃຊ້ມາຕັ້ງແຕ່ເລີ່ມປະກາດພາວະສຸກເສີນດ້ານສາທາລະນະສຸກ ແລະເຝົ້າລະວັງການແຜ່ລະບາດຂອງພະຍາດຕິດຕໍ່ ເຮັດໃຫ້ຊຸດກວດສອບ NAT ຂາດແຄນ ແລະມີຜູ້ວິພາກວິຈານວ່າເຮັດໃຫ້ເກີດການວິເຄາະທີ່ຄາດເຄື່ອນ

ສື່ຕ່າງປະເທດລາຍງານວ່າ ການປັບວິທີກວດສອບຜູ້ຕິດເຊື້ອຂອງຈີນສົ່ງຜົນໃຫ້ພົບຜູ້ຕິດເຊື້ອເພີ່ມສູງຢ່າງມີໄນສຳຄັນ ໂດຍສະຖິຕິຜູ້ຕິດເຊື້ອທີ່ພົບໃນປະເທດຈີນເມື່ອ 12 ກຸມພາທີ່ຜ່ານມາພຽງວັນດຽວ ຢູ່ທີ່ 14,840 ຄົນ ແລະຜູ້ເສຍຊີວິດອີກ 1,360 ຄົນ ແຕ່ມີຄວາມເປັນໄປໄດ້ວ່າຈະພົບຜູ້ຕິດເຊື້ອ ແລະຜູ້ເສຍຊີວິດເພີ່ມຂະນະທີ່ຍອດຜູ້ຕິດເຊື້ອທົ່ວໂລກລວມເປັນກ່ວາ 60,000 ຄົນ

ຂະນະດຽວກັນ ສື່ຂອງຈີນລາຍງານວ່າທ່ານ ສີຈິ້ນຜິງ ປະທານາທິບໍດີ ສົ່ງທະຫານ 2,600 ຄົນ ປະຕິບັດພາລະກິດຊ່ວຍເຫລືອບຸກຄະລາກອນການແພດໃນມົນທົນຫູເປີ່ຍ ຊື່ງເປັນສູນກາງການແຜ່ລະບາດຂອງໄວຣັດໂຄໂຣນາ COVID-19 ໂດຍຈະປະຈຳການທີ່ໂຮງຫມໍອູ່ຮັ່ນແລະໂຮງຫມໍຮັ່ວເສິນຊານທີ່ຫາກໍ່ສ້າງຂື້ນໃຫ່ມເພື່ອຮອງຮັບຜູ້ຕິດເຊື້ອໄວຣັດ COVID-19 ໂດຍສະເພາະ

ທັງນີ້ ປະເທດທີ່ພົບຜູ້ຕິດເຊື້ອສູງສຸດເປັນອັນດັບ 2 ຮອງຈາກຈີນຄື ຍີ່ປຸ່ນ ພົບຜູ້ຕິດເຊື້ອລວມ 203 ຄົນ ຕາມດ້ວຍສິງກະໂປ 50 ຄົນ ແລະໄທ 33 ຄົນ ສ່ວນຜູ້ເສຍຊີວິດທີພົບນອກຈີນແຜ່ນດິນໃຫ່ຍມີທັງຫມົດ 3 ຄົນ ຄື ຮົງກົງ ຟີລິບປິນ ແລະຍີປຸ່ນ