อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ເພີ່ມຂື້ນເກືອບ 1.500 ຄົນ

ສຳນັກຂ່າວຕ່າງປະເທດລາຍງານຈາກນະຄອນຫລວງປັກກິ່ງ ເມື່ອວັນທີ 14 ກຸມພາ 2020 ວ່າ ຄະນະກຳມາທິການສາທາລະນະສຸກແຫ່ງຊາດຈີນ ອອກຖະແຫລງການ ວ່າຈຳນວນຜູ້ຕິດເຊື້ອຈາກໂຄໂຣນາສາຍພັນໃຫ່ມ ຫລືເຊື້ອໂຄວິດ-19 (COVID-19) ຊຶ່ງລະບາດຕັ້ງແຕ່ເດືອນທັນວາປີຜ່ານມາ ຈົນເຖິງວັນທີ 13 ກຸມພາ ວ່າຈຳນວນຜູ້ເສຍຊີວິດສະເພາະຈີນແຜ່ນດິນໃຫ່ຍເພີ່ມເປັນຢ່າງຫນ້ອຍ 1,483 ຄົນ  ແລະຈຳນວນຄົນເຈັບທີ່ຕິດເຊື້ອສະສົມຢູ່ທີ່ 64,627

ຢ່າງໃດກໍ່ຕາມມີຄົນເຈັບທີ່ຕິດເຊື້ອໄວຣັສໂຄໂຣນາໄດ້ຮັບການຮັກສາຈົນຫາຍດີ ແລະສາມາດກັບບ້ານໄດ້ແລ້ວ 6,600 ຄົນ ຂະນະດຽວກັນເຈົ້າຫນ້າທີ່ສາທາລະນະສຸກກຳລັງກວດສອບຜູ້ຕ້ອງສົງໄສຕິດເຊື້ອໄວຣັດໂຄໂຣນາສາຍພັນໃຫ່ມຢ່າງຫນ້ອຍ 36,719 ກໍລະນີ

ດ້ານອົງການອານາໄມໂລກກ່າວວ່າ ການແຜ່ລະບາດຂອງເຊື້ອໄວຣັດໂຄວິດ-19 ນອກຈີນຕອນນີ້ ມີຄວາມຮຸນແຮງສະເພາະທີ່ເຮືອສຳລານ ໄດມອນ ປຣິນເຊສ ຊຶ່ງຈອດຢູ່ທີ່ທ່າເຮືອເມືອງໂຢໂກຮາມາຂອງຍີປຸ່ນ ຕັ້ງແຕ່ວັນທີ 5 ກຸມພາ ຜ່ານມາ ໂດຍພົບຜູ້ຕິດເຊື້ອແລ້ວ 218 ຄົນ ຈາກຈຳນວນຄົນທີ່ຢູ່ເທິງເຮືອ 3,711 ຄົນ ຢ່າງໃດກໍ່ຕາມເຈົ້າຫນ້າທີ່ສາທາລະນະສຸກຊຶ່ງຮ່ວມກັນກັ່ນກອງພະຍາດ ຕິດເຊື້ອພະຍາດແລ້ວຄົນຫນຶ່ງ ໃນຂະນະທີ່ຍີປຸ່ນເປັນພື້ນທີ່ນອກແຜ່ນດິນໃຫ່ຍແຫ່ງທີ 3 ຕໍ່ຈາກຟີລິບປິນ ແລະຮົງກົງ ຊຶ່ງພົບຜູ້ເສຍຊີວິດຈາກໄວຣັດໂຄວິດ-19 ສ່ວນຈຳນວນຄົນເຈັບຕິດເຊື້ອພະຍາດໃນປະເທດຢູ່ທີ່ຢ່າງຫນ້ອຍ 33 ຄົນ