อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ນາຊາເປີດຮັບນັກບິນອາວະກາດ

ອົງການບໍລິຫານການບິນ ແລະອາວະກາດແຫ່ງຊາດ (NASA) ຂອງອາເມຣິກາປະກາດຮັບສະມັກນັກບິນອາວະກາດຍຸກໃຫ່ມເພື່ອລົງເດີນທາງເທີງພື້ນຜິວດວງຈັນ ແລະສຳຫລວດດາວອັງຄານ ໂດຍນາຊາປະກາດເມື່ອ 11 ກຸມພາວ່າກຳລັງເປີດຮັບສະຫນັກນັກບິນອາວະກາດຫນ້າໃຫ່ມເພື່ອເສີມທີມນັກບິນອາວະກາດຂອງນາຊາທີ່ປະຈຸບັນມີຢູ່ 48 ຄົນ ເພື່ອຮອງຮັບແຜນຂະຫຍາຍພາລະກິດສຳຫລວດອາວະກາດໃນຊ່ວງຫລາຍປີທີ່ກຳລັງຈະມາເຖິງນີ້

 

ໂດຍມີແຜນຫວນຄືນສຳຫລວດດວງຈັນໃນປີ 2025 ແລະດາວອັງຄານໃນຊ່ວງປີ 2031 ຄຸນສົມບັດທີ່ຕ້ອງການມີລວມທັງຕ້ອງຈົບປະລິນຍາໂທສາຂາສາຍວິທະຍາສາດ ວິສິວະກຳຫລືຄະນິດສາດ ມີປະສົບການເຮັດຢ່າງນ້ອຍ 2 ປີ ຫລືກໍລະນີເປັນນັກບິນຕ້ອງມີຊົ່ວໂມງບິນ 1,000 ຊົ່ວໂມງ ແລະຖືເປັນຄັ້ງທຳອິດທີ່ຄັ້ງນີ້ຜູ້ສະຫນັກຕ້ອງເຮັດຂໍ້ສອບເສັງອອນລາຍດົນ 2 ຊົ່ວໂມງນຳ ຜູ້ຈົບຫລັກສູດຂອງນາຊາຊຸດລ່າສຸດໄດ້ເປັນນັກບິນອາວະກາດເຕັມໂຕເມື່ອເດືອນມັງກອນມີ 11 ຄົນ ຖືກຄັດເລືອກຈາກຜູ້ສະຫນັກ 18,000 ຄົນ

ນາຊາຄາດວ່າຈະຄັດເລືອກຜູ້ເຂົ້າຮຽນຫລັກສູດນັກບິນອາວະກາດຊຸດຕໍ່ໄປຊ່ວງກາງປີ 2021 ໂດຍຕ້ອງເຂົ້າໂປແກຣມເຝິກ 2 ປີ ທີ່ສູນອາວະກາດຈອນສັນ ເມືອງຮິວຕັນ ລັດເທັກຊັສ ຊື່ງລວມທັງການເຝິກຍ່າງໃນສະພາບໄຮ້ແຮງດຶງດູດເພື່ອກຽມຍ່າງໃນອາວະກາດ (spacewalk) ພົນລະເຮືອນຜູ້ຜ່ານການເຝິກໄດ້ເປັນນັກບິນອາວະກາດນາຊາຈະຮັບເງີນຄ່າຈ້າງຢູ່ທີ່ 53,800-70,000 ດອລລາ ຕໍ່ປີ