อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ຄົນຕິດໄວຣັດໂຄວິດ-19 ໃຫ່ມໃນຫູເປີ່ຍສູງເກີນ 14,000 ຄົນໃນຫນື່ງວັນ

ສຳນັກຂ່າວຊິນຫົວລາຍງານເມື່ອ ວັນທີ 13 ກຸມພາ 2020 ວ່າ ຄະນະກຳມະການສຸຂະພາບມົນທົນຫູເປີ່ຍ ສປ ຈີນ ລະບຸວ່າໂຕເລກຜູ້ຕິດເຊື້ອລາຍໃຫ່ມດັງກ່າວ ຊື່ງນັບເປັນການປັບເພີ່ມລາຍວັນໃນອັດຕາສູງສຸດ ຄອບຄຸມຜູ້ຕິດເຊື້ອທີ່ໄດ້ຮັບການວິເຄາະຈຳນວນ 13,332 ຄົນ

ທັງນີ້ ຈຳນວນຜູ້ຕິດເຊື້ອທີ່ໄດ້ຮັບການຢືນຢັນຜົນໃນຫູເປີ່ຍລວມຢູ່ທີ່ 48,206 ຄົນ ສ່ວນຈຳນວນຜູ້ຕິດເຊື້ອທີ່ເສຍຊີວິດລວມຢູ່ທີ່ 1,350 ຄົນ ເມື່ອນັບເຖິງວັນພຸດ (12 ກຸມພາ) ໂດຍການນັບລວມຜູ້ຕິດເຊື້ອທີ່ໄດ້ຮັບການເຄາະເຮັດໃຫ້ຈຳນວນຜູ້ຕິດເຊື້ອທີ່ໄດ້ຮັບການຢືນຢັນນຜົນສູງຂື້ນ

ຜະແນກວິໄຈ ແລະຮັກສາໂລກລະບາດສະບັບລ່າສຸດຂອງຄະນະກຳມະການສຸຂະພາບແຫ່ງຊາດຈີນ (NHC) ກຳນົດວ່າຄົນເຈັບຕ້ອງສົງໄສທີ່ມີຜົນຊີທີສະແກນ ຊື່ງບົ່ງຊີ້ຄວາມກ່ຽວພັນກັບໂລກປອດອັກເສບຈະຖືກນັບເປັນຜູ້ຕິດເຊື້ອທີ່ໄດ້ຮັບການວິເຄາະນຳອີກ

ຄະນະກຳມະການສຸຂະພາບມົນທົນຫູເປີ່ຍເຜີຍວ່າການປັບປຸງຫລັກເກນການວິເຄາະ ມີເປົ້າຫມາຍຊ່ວຍໃຫ້ບຸກຄົນທີ່ໄດ້ຮັບການວິເຄາະໄດ້ຮັບການຮັກສາຕາມມາດຕະຖານຜູ້ຕິດເຊື້ອທີ່ໄດ້ຮັບການຢືນຢັນຜົນຢ່າງທັນທ່ວງທີ ເພື່ອຍົກລະດັບອັດຕາການຮັກສາສຳເລັດຍິ່ງຂື້ນ

ປີກຢ່າງ ຫູເປີ່ຍລາຍງານການປ່ອຍໂຕຜູ້ຕິດເຊື້ອທີ່ໄດ້ຮັບການຮັກສາຈົນຫາຍດີອອກຈາກໂຮງຫມໍລວມ 3,441 ຄົນ ເມື່ອນັບເຖິງວັນພຸດ (12 ກຸມພາ) ສ່ວນກຸ່ມຜູ້ຕິດເຊື້ອທີ່ຮັບການຮັກສາໃນໂຮງຫມໍ 33,693 ຄົນ ມີຄົນເຈັບອາການຮຸນແຮງ 5,647 ຄົນ ແລະຄົນເຈັບອາການຫນັກຂັ້ນວິກິດ 1,437 ຄົນ