อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ຕາງໜ້າສະມາຄົມເຢຍລະມັນ-ລາວເພື່ອພັດທະນາ ລົງຢ້ຽມຢາມໂຄງການກໍ່ສ້າງໂຮງຮຽນມູນລະປະຖົມບ້ານນາທົ່ງຫຼວງ

ໃນຕອນເຊົ້າຂອງວັນທີ 11 ກຸມພາ 2020ນີ້ ທ່ານ ວິກຕົວຕາງໜ້າສະມາຄົມເຢຍລະມັນ-ລາວ ເພື່ອການພັດທະນາ ພ້ອມຄະນະ ໄດ້ລົງຢ້ຽມຢາມ ແລະ ກວດກາໂຄງການກໍ່ສ້າງໂຮງຮຽນມູນລະປະຖົມບ້ານ ນາທົ່ງຫຼວງ ເມືອງສາລະວັນ, ແຂວງສາລະວັນ ໂດຍໃຫ້ກຽດເຂົ້າຮ່ວມຂອງທ່ານ ຈັນສີລອນ ສີສົມບູນ ເຈົ້າເມືອງໆສາລະວັນ, ມີພາກສ່ວນທີ່ກ່ຽວຂ້ອງ, ອໍານາດການປົກຄອງ, ຄູອາຈານ ແລະ ນ້ອງນ້ອຍນັກຮຽນເຂົ້າຮ່ວມ.


ໂຄງການກໍ່ສ້າງໂຮງຮຽນມູນລະປະຖົມ ບ້ານນາທົ່ງຫຼວງ ເມືອງສາລະວັນ, ແຂວງສາລະວັນ ໄດ້ລົງມືກໍ່ສ້າງ ໃນວັນທີ 3 ມັງກອນ 2020 ຄາດວ່າຈະໃຫ້ສໍາເລັດ ໃນວັນທີ 3 ມີນາ 2020 ເຊິ່ງເປັນອາຄານຊັ້ນດຽວຖາວອນ, ຂະໜາດ 8 x 21 ແມັດ, ປະກອບດ້ວຍອຸປະກອນການຮຽນ-ການສອນຄົບຊຸດ, ໃນມູນຄ່າການກໍ່ສ້າງ 155 ລ້ານກວ່າກີບ, ເປັນທຶນຂອງປະຊາຊົນ 30% ແລະ ທຶນສະໜັບສະໜູນຈາກສະມາຄົມເຢຍລະມັນ-ລາວ ເພື່ອການພັດທະນາ 70%.


ພາບ-ຂ່າວ: ນັກຂ່າວເມືອງສາລະວັນ