อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ສະຫລົດໃຈ ຫມໍຈີນເສຍຊີວິດ ເນື່ອງຈາກເຮັດວຽກຫນັກ 18 ວັນຕິດກັນເພື່ອຮັກສາຄົນເຈັບໂຄໂຣນາ

ສຳນັກຂ່າວ shanghai.ist ລາຍງານໃນວັນທີ່ 12 ກຸມພາ 2020 ວ່າ ຫມໍຍິງ ຊູ ຮຸ່ຍ ອາຍຸ 51 ປີ ຮອງຜູ້ອຳນວຍການໂຮງຫມໍແພດແຜນຈີນໃນເມືອງນານຈິງ ມົນທົນຈຽງຊູ ຂອງຈີນ ເສຍຊີວິດຢ່າງກະທັນຫັນເພາະຄວາມອິດເມື່ອຍໃນວັນທີ່ 7 ກຸມພາ ທີ່ຜ່ານມາ ຫລັງຈາກທ່ານຫມໍຍິງຄົນດັ່ງກ່າວ ເຮັດວຽກຕິດຕໍ່ກັນເຖິງ 18 ວັນ ເພື່ອຮັກສາຄົນເຈັບຕິດເຊື້ອໄວຣັດໂຄໂຣນາສາຍພັນໃຫ່ມ ຫລື ໂຄວິດ-19


ຢ່າງໃດກໍ່ຕາມ ຊາວເນັດຈຳນວນຫລາຍຕ່າງພາກັນຕັ້ງຄຳຖາມໃນລະບົບການແພດຂອງວ່າ ເຫດໃດຫມໍຕ້ອງເສຍຊີວິດເພາະການເຮັດວຽກດ້ວຍ ແບບຢ່າງຄືການເຮັດວຽກຈົນຕາຍບໍ່? ຖ້າຢ່າງນັ້ນເຈົ້າຄົງເສຍຫມໍໄປຫມົດທຸກຄົນຢ່າງວ່ອງໄວ ຜູ້ໃຊ້ທະວິດເຕີຄົນຫນື່ງລະບຸ ຂະນະທີ່ອີກຄົນສະແດງຄວາມເຫັນວ່າ ຫມໍຊູຄວນໄດ້ເຮັດວຽກໃນສະພາບແວດລ້ອມທີ່ລູກຈ້າງໄດ້ຮັບການເບິ່ງແຍງດ້ວຍ ຈະໄດ້ມີໂອກາດທີ່ຈະຮັກສາສຸຂະພາບໃຫ້ແຂງແຮງຈະໄດ້ເບິ່ງແຍງຄົນເຈັບໄດ້ຫລາຍຂື້ນ


ທັງນີ້ ຫມໍຊູເປັນແພດຄົນທີ່ 2 ທີ່ໄດ້ຮັບການຢືນຢັນວ່າເສຍຊີວິດເພາະຄວາມອິດເມື່ອຍລະຫວ່າງການຕໍ່ສູ້ກັບໄວຣັດໂຄໂຣນາ ຕໍ່ຈາກຫມໍ ຊົ່ງ ອິ໋ງເຈີ໋ຍ ອາຍຸ 28 ປີ ຮອງຫົວຫນ້າທີມການຢາຂອງໂຮງຫມໍໃນເຂດເຫິງຊານ ມົນທົນຫູຫນານ ໂດຍເຮັດວຽກຕິດຕໍ່ກັນ 10 ວັນກັບທີມກວດພະຍາດທີ່ສະຖານີລົດໄຟທ້ອງຖິ່ນຈົນເຖິງທ່ຽງຄືນວັນທີ່ 3 ກຸມພາ ກ່ອນຈະກັບໄປພັກຜ່ອນທີ່ຫໍພັກ ແຕ່ວັນຕໍ່ມາເພື່ອຮ່ວມງານກໍ່ມາພົບວ່າ ຫມໍຊົ່ງເສຍຊີວິດຢູ່ໃນຫ້ອງຂອງຕົນແລ້ວ ຄາດວ່າສາເຫດເກີດຈາກຫົວໃຈວາຍສຸກເສີນເພາະຄວາມອິດເມື່ອຍ