อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ຈີນ ເຜີຍຍອດຄົນເຈັບໂຄວິດ-19 ຫລືໂຄໂຣນາລາຍໃຫ່ມໃນປະເທດລົດລົງເກືອບເຄີ່ງ

ສຳນັກຂ່າວຊິນຫົວລາຍງານເມື່ອວັນທີ 12 ກຸມພາ 2020 ວ່າ ຄະນະກຳການສຸຂະພາບແຫ່ງຊາດຈີນ (NHC) ລາຍງານວ່າຈຳນວນຜູ້ປ່ວຍຕິດເຊື້ອໄວຣັດໂຄໂຣນາລາຍໃຫ່ມທີ່ໄດ້ຮັບການຢືນຢັນຜົນລາຍວັນ ລົດລົງ 48.2 % ຈາກລະດັບສູງສຸດທີ່ 3.887 ລາຍໃນວັນທີ່ 4 ກຸມພາ ລົງມາຢູ່ທີ່ 2.015 ລາຍໃນວັນອັງຄານ 11 ກຸມພາ


ທ່ານຫມີ່ ເຟິງ ໂຄສົກປະຈຳຄະນະກຳມະການສຸຂະພາບແຫ່ງຊາດຈີນເຜີຍວ່າ ຂະນະນີ້ສະຖານະການແຜ່ລະບາດຍັງຄົງຮ້າຍແຮງ ວ່າການປ່ຽນແປງເຊີງບວກບາງຢ່າງໃນສະຖິຕິນັ້ນເປັນຜົນມາຈາກມາດຕະການການຮັກສາທີ່ມີປະສິດທິພາບ ເຊັ່ນວ່າ ຈຳນວນຄົນເຈັບຕ້ອງສົງໄສລາຍໃຫ່ມທີ່ລົດລົງ 37.3 % ຈາກ 5.328 ລາຍໃນວັນທີ່ 5 ກຸມພາ ມາຢູ່ທີ່ 3.342 ລາຍໃນວັນອັງຄານ (11 ກຸມພາ)

ທ່ານຍັງເນັ້ນຢ້ຳເຖິງຈຳນວນຄົນເຈັບທີ່ໄດ້ຮັບການຮັກສາຈົນຫາຍດີ ແລະອອກຈາກໂຮງຫມໍທີ່ເພີ່ມຂື້ນຢ່າງວ່ອງໄວ ຊື່ງສົ່ງຜົນໃຫ້ອັດຕາການຟື້ນໂຕຢູ່ທີ່ 10.6 % ໃນວັນອັງຄານ (11 ກຸມພາ) ຈາກລະດັບຕ່ຳສຸດທີ່ 1.3 % ໃນວັນທີ່ 27 ມັງກອນ


ທັງນີ້ ສະຖິຕິລ່າສຸດຈາກຄະນະກຳມະການສຸຂະພາບແຫ່ງຊາດຈີນ (17:30 ໂມງ ຕາມເວລາທ້ອງຖິ່ນ) ລະບຸວ່າຈຳນວນຜູ້ຕິດເຊື້ອໄວຣັດທີ່ໄດ້ຮັບການຢືນຍັນຜົນເທີງຈີນແຜ່ນດິນໃຫ່ຍລວມຢູ່ທີ່ 44,763 ລາຍ ຂະນະທີ່ຜູ້ປ່ວຍຕ້ອງສົງໃສລວມຢູ່ທີ່ 16,067 ລາຍ ແລະຜູ້ຕິດເຊື້ອທີ່ໄດ້ຮັບການຮັກສາຈົນຫາຍດີແລະອອກຈາກໂຮງຫມໍລວມຢູ່ທີ່ 4,795 ລາຍ