อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ອາເມຣິກາ ບໍ່ພໍໃຈຟີລິບປິນຂໍຍົກເລິກຄວາມຮ່ວມມືທາງທະຫານ

ສຳນັກຂ່າວຕ່າງປະເທດລາຍງານ ເມືອວັນທີ່ 11 ກຸມພາ 2020 ວ່າ ທ່ານມາຣຄ ເອສເປີ ລັດຖະມົນຕີກະຊວງປ້ອງກັນປະເທດອາເມຣິກາ ກ່າວວ່າທ່ານໄດ້ຮັບຫນັງສືຢ່າງເປັນທາງການຈາກລັດຖະບານຟີລິບປິນ ສະແດງເຈດຈຳນົງ ຕ້ອງການຍຸຕິ ຂໍ້ຕົກລົງຢ້ຽມຢາມທາງທະຫານ (ວີເອຟເອ) ທີ່ທັງສອງປະເທດລົງນາມຮ່ວມກັນເມື່ອປີ 1998 ມີເນື້ອໃນສຳຄັນຄືການອະນຸຍາດໃຫ້ກອງທັບອາເມຣິກາເຂົ້າມາຊ້ອມຮົບ ແລະປະຕິບັດ ພາລະກິດເພື່ອມະນຸດຊະທຳ ໃນຟີລິບປິນ ເມື່ອຄືນວັນຈັນທີ່ຜ່ານມາແຕ່ຍັງບໍ່ໄດ້ອ່ານຢ່າງລະອຽດ

ຢ່າງໃດກໍ່ຕາມ ທ່ານເອສເປີຣກ່າວວ່າ ເປັນເລື່ອງໂຊກຮ້າຍ ເນື່ອງຈາກທ່າທີຂອງລັດຖະບານຟີລິບປິນ ຄືການເລືອກທາງເດີນຜິດ ໂດຍກ່າວອີກວ່າທ່ານຫາກໍ່ຢ້ຽມຢາມຟີລິບປິນເມື່ອເດືອນພະຈິກ ປີຜ່ານມາ ແລະໃນຕອນນັ້ນມີຄວາມເຊື່ອຫມັ້ນວ່າຄວາມສຳພັນດ້ານນະໂຍບາຍປ້ອງກັນປະເທດໃນລະດັບທະວີພາຄີ ຍັງເຂັ້ມແຂງ ດ້ານສະຖານເອກອັກຄະລັດຖະທູດອາເມຣິກາປະຈຳນະຄອນມະນິລາອອກຖະແຫຼງການກ່ຽວກັບສະຖານະການນີ້ວ່າ ລັດຖະບານວໍຊິງຕັນຈະພິຈາລະນາ ຫົນທາງດີທີ່ສຸດ ເພື່ອຍົກລະດັບ ແລະຂັບເຄື່ອນການແບ່ງປັນຜົນປະໂຫຍດຮ່ວມກັນຕໍ່ໄປ ແຕ່ຄວາມປ່ຽນແປງທີ່ກຳລັງຈະເກີດຂື້ນຖືເປັນ ກ້າວຍ່າງສຳຄັນ ຊື່ງຈະມີຜົນຢ່າງແນ່ນອນຕໍ່ຄວາມເປັນພັນທະມິດທາງທະຫານລະຫວ່າງອາເມຣິກາກັບຟິລິປິນ


ຂະນະທີ່ທ່ານໂອໂດໂຣ ລ໊ອກຊິນ ຈູເນຍ ລັດຖະມົນຕີກະຊວງການຕ່າງປະເທດຟີລິບປິນກ່າວວ່າທ່ານສົ່ງຫນັງສືແຈ້ງຄວາມປະສົງຍຸຕິຄວາມຮ່ວມມືວີເອຟເອໃຫ້ກັບລັດຖະບານອາເມຣິຜ່ານສະຖານເອກອັກຄະລັດຖະທູດອາເມຣິກາປະຈຳນະຄອນມະນິລາ ໂດຍເປັນການປະຕິບັດຕາມຄຳສັ່ງຂອງປະທານາທິບໍດີໂຣດຣິໂກ ດູເຕີເຕ ຊື່ງການຖອນໂຕຂອງຟີລິບປິນຈະມີຜົນຢ່າງເປັນທາງການພາຍໃນ 180 ວັນ ຫາກທັງສອງປະເທດບໍ່ເຈລະຈາຮ່ວມກັນເພື່ອແກ້ໄຂສະຖານະການພາຍໃນໄລຍະເວລາດັ່ງກ່າວ

ທັງນີ້ ທ່ານດູເຕີເຕປະກາດເມື່ອທ້າຍເດືອນຜ່ານມາດ້ວຍວ່າ ທ່ານຈະບໍ່ເຂົ້າຮ່ວມການປະຊຸມສຸດຍອດຜູ້ນຳອາເມຣິກາກັບສະມາຄົມປະຊາຊາດແຫ່ງເອເຊຍຕາເວັນອອກສ່ຽງໃຕ້ (ອາຊຽນ) ຊື່ງກຳນົດການໃນເບື້ອງຕົ້ນຄືພາຍໃນເດືອນມີນານີ້ ທີ່ອາເມຣິກາ ແມ່ນວ່າຜູ້ນຳຟີລິບປິນໃຫ້ເຫດຜົນພຽງວ່າ ເປັນເລື່ອງທາງຍຸດທະສາດ ແລະພູມມີສາດການເມືອງ ແຕ່ທຸກຝ່າຍຮູ້ດີຫມາຍເຖິງຂໍ້ພິພາດເລື່ອງສົງຄາມຢາເສບຕິດ ແລະການທີ່ລັດຖະບານອາເມຣິກາປະຕິເສດວີຊ່າຂອງພົນເອກ ໂຣນັລ ເດລາໂຣຊາ ວຸດທິສະມາຊິກຊື່ງເປັນອະດີດຜູ້ບັນຊາການຕຳຫຼວດແຫ່ງຊາດຟີລິບປິນໃນຊ່ວງເລີ່ມຕົ້ນສົງຄາມຢາເສບຕິດ

ນອກຈາກນີ້ ທ່ານດູເຕີເຕຂື້ນບັນຊີດຳວຸດທິສະມາຊິກຂອງອາເມຣິກາ 2 ຄົນຂອງພັກເດໂມແຄຣດ ຄືທ່ານຣິຊາຣດ ເດິບິນ ວຸດທິສະມາຊິກລັດແມສຊາຊູເຊສ ແລະທ່ານແພທຣິກ ເລຮີ ວຸດທະສະມາຊິກລັດເວີມອນ ຈາກການທີ່ເນື້ອໃນຕອນຫນື່ງຂອງກົດຫມາຍງົບປະມານອາເມຣິກາສະບັບປະຈຸບັນ ສະເຫນີໂດຍວຸດທິສະມາຊິກທັງສອງຄົນ ໃຫ້ມີການຫ້າມເຈົ້າຫນ້າທີ່ລັດຖະບານຟີລິບປິນ ຊື່ງມີສ່ວນກ່ຽວຂ້ອງກັບການຄຸມຂັງ ແລະດຳເນີນຄະດີຕໍ່ທ່ານນາງໄລລາ ເດີ ລິມາ ວຸດທິສະມາຊິກຊາວຟີລິບປິນ ຊື່ງເປັນຫນື່ງໃນຜູ້ວີຈານນະໂຍບາຍສົງຄາມຢາເສບຕິດຂອງລັດຢ່າງຫນັກ ແລະຖືກຟ້ອງຮ້ອງໃນຂໍ້ຫາຄ້າຢາເສບຕິດ