อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ຊື່ເປັນທາງການຂອງໄວຣັດໂຄໂຣນາສາຍພັນໃຫ່ມຄື ໂຄວິດ-19

ຊື່ເປັນທາງການຂອງໄວຣັດໂຄໂຣນາສາຍພັນໃຫ່ມຄື ໂຄວິດ-19

ສຳນັກຂ່າວຕ່າງປະເທດລາຍງານຈາກເມືອງເຈນີວາ ປະເທດສະວິດເຊີແລນ ເມື່ອວັນທີ່ 12 ກຸມພາ 2020 ວ່າ ທ່ານ ເທດຣອສ ແອດນາຮອມ ເກເບຣເຢຊຸສ ຜູ້ອຳນວຍການອົງການອານາໄມໂລກ (ດັບເບິລຢູເອຊໂອ) ຖະແຫຼງເມື່ອວັນອັງຄານວ່າດັບເບິລຢູເອຊໂອ ແລະຄະນະກຳມະທິການສາກົນດ້ານການຈັດຫມວດຫມູ່ຂອງເຊື້ອໄວຣັດ (ໄອຊີທີວີ) ມີມະຕິເຫັນດີຮ່ວມກັນ ກຳຫນົດຊື່ຢ່າງເປັນທາງການໃຫ້ກັບໄວຣັດໂຄໂຣນາສາຍພັນໃຫ່ມ ຊື່ງກຳເນີດທີ່ເມືອງອູ່ຮັ່ນ ໃນມົນທົນຫູເປີ່ຍຂອງຈີນວ່າ “COVID-19” (ໂຄວິດ-19 : ໂຄວິດ-ນາຍທືນ)
ທັງນີ້ ໂຄ ( co ) ມາຈາກ ໂຄໂຣນາ ວິ ( vi ) ມາຈາກ ໄວຣັດ ແລະ ດ ( d ) ມາຈາກ ພະຍາດ ( disease ) ສ່ວນ 19 ຄືຄຣິດຕະສັກກະລາດ 2019 ຊື່ງເປັນປີທີ່ດັບເບິລຢູເອຊໂອໄດ້ຮັບແຈ້ງຢ່າງເປັນທາງການຈາກຈີນກ່ຽວກັບເຊື້ອໄວຣັດດັງກ່າວ ເມື່ອວັນທີ່ 31 ທັນວາ ທີ່ຜ່ານມາ


ອີກຢ່າງ ຕະຫລອດໄລຍະເວລາທີ່ຜ່ານມາ ດັບເບິລູເອຊໂອຮຽກເຊື້ອໂລກຈາກເມືອງອູ່ຮັ່ນວ່າ ເຊື້ອໄວຣັດໂຄໂຣນາສາຍພັນໃຫ່ມ 2019 ຂະນະທີ່ຄະນະກຳມະທິການສາທາລະນະສຸກແຫ່ງຊາດຂອງຈີນຮຽກອາການເຈັບປ່ວຍທີ່ເກີດຈາກເຊື້ອໂລກດຽວກັນນີ້ວ່າ ໂລກປອດບວມຈາກເຊື້ອໄວຣັດໂຄໂຣນາສາຍພັນໃຫ່ມ


ຂະນະດຽວກັນ ທ່ານ ເທດຣອສຢ້ຳວ່າເຊື້ອໄວຣັດ ໂຄວິດ-19 ຍັງເປັນໄພຄຸກຄາມຮ້າຍແຮງ ຕໍ່ລະບົບສາທາລະນະສຸກໂລກ ຫລັງມີການປະກາດພາວະສຸກເສີນດ້ານສາທາລະນະສຸກລະຫວ່າງປະເທດ ເມື່ອທ້າຍເດືອນຜ່ານມາ ແມ່ນວ່າ 99% ຂອງຜູ້ເສຍຊີວິດ ແລະຄົນເຈັບຢູ່ໃນຈີນກໍ່ຕາມ ເນື່ອງຈາກຜົນກະທົບທຸກດ້ານຈາກເຊື້ອໄວຣັດ ຮຸນແຮງຍິ່ງກວ່າການກໍ່ການຮ້າຍຈາກສີມືມະນຸດ ຢ່າງໃດກໍ່ຕາມ ຫາກທຸກພາກສ່ວນຍົກລະດັບຄວາມຮ່ວມມືໃຫ້ຈິງຈັງຫລາຍຍິ່ງຂື້ນມະນຸດຈະສາມາດຢັບຢັ້ງເຊື້ອພະຍາດນີ້ໄດ້ຢ່າງມີປະສິດທິພາບ ແລະມີການປະເມີນໃນເບື້ອງຕົ້ນວ່າ ວັກຊີນປ້ອງກັນຫນ້າຈະພ້ອມໃຊ້ງານພາຍໃນ 18 ເດືອນນັບຈາກນີ້