อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ຜູ້ຊຽວຊານຈີນ ວິເຄາະສະຖານະການອາດຍຸຕິພາຍໃນເດືອນເມສານີ້

ສຳນັກຂ່າວຕ່າງປະເທດລາຍງານເມື່ອວັນທີ່ 11 ກຸມພາ 2020 ວ່າ ທ່ານ ຈົງ ຫນານຊານ ຜູ້ຊຽວຊານດ້ານໂລກປອດ ແລະລະບົບທາງເດີນຫາຍໃຈ ຊື່ງໄດ້ຮັບການມອບຫມາຍຈາກຄະນະກຳມະທິການສາທາລະນະສຸກແຫ່ງຊາດຂອງຈີນ ໃຫ້ເປັນຫົວຫນ້າຄະນະເຮັດວຽກກ່ຽວກັບການແຜ່ລະບາດຂອງເຊື້ອໄວຣັດໂຄໂຣນາ (ໂຄວິດ-19) ວິເຄາະວ່າສະຖານະການ ອາດຍຸຕິພາຍໃນເດືອນເມສານີ້ ໂດຍວິເຄາະຈາກແນວໂນ້ມຈຳນວນຄົນເຈັບລາຍໃຫ່ມທີ່ເລີ່ມຊົງໂຕຫລືເພີ່ມຂື້ນຫນ້ອຍລົງໃນຫລາຍມົນທົນ ຢ່າງໃດກໍ່ຕາມ ສະຖານະການຕະຫລອດເດືອນນີ້ ຕ້ອງເຝົ້າລະວັງຢ່າງໃກ້ຊິດທີ່ສຸດ


ດ້ານຄະນະກຳມະທິການສາທາລະນະສຸກແຫ່ງຊາດຂອງຈີນລາຍງານສະຖານະການເຊື້ອໄວຣັດໂຄວິດ-19 ຫລືເຊື້ອໄວຣັດໂຄໂຣນາສາຍພັນໃຫ່ມ ລະຫວ່າງເດືອນທັນວາປີທີ່ແລ້ວ ຈົນເຖິງວັນທີ່ 11 ກຸມພາທີ່ຜ່ານມາ ວ່າຜູ້ເສຍຊີວິດຢູ່ທີຢ່າງຫນ້ອຍ 1,110 ຄົນເພາະໃນແຜ່ນດິນໃຫ່ຍ ຫນື່ງໃນນັ້ນເປັນຊາຍຊາວອາເມຣິກາອາຍຸ 60 ປີ ຊື່ງອາໄສຢູ່ທີ່ເມືອງອູ່ຮັ່ນ ໃນມົນທົນຫູເປີ່ຍທີ່ກຳລັງເປັນສູນກາງການແຜ່ລະບາດຂອງພະຍາດ ແລະເປັນຊາວຕ່າງປະເທດຄົນທຳອິດທີ່ເສຍຊີວິດ ຂະນະທີ່ຈຳນວນຜູ້ປ່ວຍສະສົມຢູ່ທີ່ຢ່າງນ້ອຍ 44,276 ຄົນ ແຕ່ມີຜູ້ໄດ້ຮັບການຮັກສາຈົນຫາຍດີແລ້ວ 4,413 ຄົນ