อาทิตย์. ก.พ. 23rd, 2020

ABClao

ຂ່າວສານເພື່ອສັງຄົມ

ຫິມະຕົກໃນ ນະຄອນແບກແດດຂອງອີຣັກ

ສຳນັກຂ່າວຕ່າງປະເທດລາຍງານເມື່ອວັນທີ່ 11 ກຸມພາ 2020 ວ່າ ທົ່ວທັງນະຄອນແບກແດດ ເມືອງຫລວງຂອງປະເທດອີຣັກ ຖືກປົກຫຸ້ມດ້ວຍຫິມະ ຊື່ງນັບເປັນຄັ້ງທີ່ສອງແລ້ວໃນຮອບ 100 ປີ ໂດຍຫິມະຕົກຄັ້ງລ່າສຸດໃນນະຄອນແບກແດດເກີດຂື້ນເມື່ອປີ 2007 ແຕ່ມັນກໍ່ລະລາຍໄປຢ່າງວ່ອງໄວ ຕົ້ມປາມໃນນະຄອນແບກແດດມີສີຂາວຂອງລະອອງຫິມະປົກຫຸ້ມ ເຕັ້ນຜ້າໃບຂອງກຸ່ມຜູ້ຊຸ່ມນຸມປະທ້ວງລັດຖະບານໃນບໍລິເວນຈະຕຸຣັສຕາຣີມີຫິມະປົກຫຸ້ມເຊັ່ນກັນ ຜູ້ຂັບຂີ່ພາຫະນະຕ້ອງຢຸດລົດເພື່ອລົງມາຖ່າຍພາບຫິມະຕົກ ແລະອອກມາດຶກຫິມະຫລີ້ນກັນຢ່າງມ່ວນຊື່ນ


ທ່ານອາເມີ ອັລ-ຈາບີຣີ ຫົວຫນ້າຝ່າຍສື່ສານສຳນັກງານອຸຕຸນິຍົມວິທະຍາຂອງອີຣັກກ່າວວ່າ ຫິມະຈະຍັງຕົກຕໍ່ໄປຈົນເຖິງວັນພຸດທີ່ 12 ກຸມພາ ເຮັດໃຫ້ອາກາດເຢັນຕໍ່ໄປ ແລະຄື້ນອາກາດເຢັນນີ້ແຜ່ມາຈາກທາງຢູໂຣບ


ປະຊາຊົນໃນນະຄອນຫລວງແບກແດດນັ້ນມີຄວາມຄຸ້ນເຄີຍກັບສະພາບອາກາດຮ້ອນຫລາຍກວ່າອາກາດຫນາວເຢັນ ໂດຍອຸນຫະພູມສູງສຸດທີ່ເຄີຍບັນທຶກໄວ້ໄດ້ໃນນະຄອນແບກແດດຄື 51 ອົງສາ ສ່ວນຫິມະຕົກນັ້ນເບີ່ງຄືວ່າຈະຄຸ້ນເຄີຍຫລາຍກວ່າກັບຜູ້ຄົນໃນພື້ນທີ່ທາງພາກເຫນືອຂອງອີຣັກເຊັ່ນທີ່ເມືອງໂມຊຸລ ແຕ່ທາງພາກກາງກັບພາກໃຕ້ນັ້ນບໍ່ຄ່ອຍເກີດຂື້ນ