28/05/2020

ABClao

ຂ່າວສານເພື່ອສັງຄົມ

ເອກອັກຄະລັດຖະທູດຈີນປະຈຳອິສຣາເອລເສຍຊີວິດທີ່ເຮືອນພັກ

ສຳນັກຂ່າວຕ່າງປະເທດລາຍງານ ເມື່ອວັນທີ່ 17 ພຶດສະພາ 2020 ວ່າ ສຳນັກງານຕຳຫລວດນະຄອນເທລອາວີຟອອກຖະແຫຼງການເມື່ອວັນອາທິດ ເລື່ອງການພົບສົບທ່ານຕູ້ ເວີ່ຍ ເອກອັກຄະລັດຖະທູດຈີນປະຈຳອິສຣາເອລເສຍຊີວິດຢູ່ພາຍໃນເຮືອນພັກ ຊື່ງຕັ້ງຢູ່ທີ່ເມືອງເຮິຣຊລິຍາຊານນະຄອນເທລອາວີຟ ແລະພະນັກງານສອບສວນກຳລັງລວບລວມຫລັກຖານພ້ອມທັງສອບປາກຄຳພະຍານ ໂດຍບໍ່ໃຫ້ຂໍ້ມູນອື່ນໃດອີກ ເວັ້ນພຽງວ່າທ່ານຕູ້ ເວີ່ຍ ອາຍຸ 57 ປີ ຮັບຕຳແຫນ່ງເອກອັກຄະລັດຖະທູດຈີນປະຈຳອິສຣາເອລ ເມື່ອເດືອນກຸມພາທີ່ຜ່ານມາ

ຂະນະທີ່ສະຖານີໂທລະພາບຊ່ອງ 12 ຂອງອິສຣາເອລ ລາຍງານໂດຍອ້າງແຫຼ່ງຂ່າວ ວ່າທ່ານຕູ້ ເວີ່ຍ ເສຍຊີວິດລະຫວ່າງນອນຫລັບ ສ່ວນໃນຊ່ວງເກີດເຫດພັນລະຍາ ແລະລູກຊາຍຂອງຜູ້ເສຍຊີວິດບໍ່ຫນ້າຢູ່ໃນອິສຣາເອລ ດ້ານກະຊວງການຕ່າງປະເທດໃນນະຄອນປັກກິ່ງຍັງບໍ່ສະແດງທ່າທີຢ່າງເປັນທາງການ ອີກຢ່າງ ກ່ອນຮັບຕຳແຫນ່ງທີ່ນະຄອນເທລອາວີຟ ທ່ານຕູ້ ເວີ່ຍ ດຳລົງຕຳແຫນ່ງເອກອັກຄະລັດຖະທູດຈີນປະຈຳຢູເຄຣນມາກ່ອນ