28/05/2020

ABClao

ຂ່າວສານເພື່ອສັງຄົມ

ທົ່ວໂລກມີຜູ້ເສຍຊີວິດຈາກໂຄວິດ-19 ແລ້ວຫລາຍກ່ວາ 300,000 ຄົນ

ສຳນັກຂ່າວຕ່າງປະເທດລາຍງານ ເມື່ອວັນທີ່ 14 ພຶດສະພາ 2020 ວ່າ ສູນຂໍ້ມູນພະຍາດຕິດເຊື້ອໄວຣັດໂຄໂຣນາແຫ່ງມະຫາວິທະຍາໄລຈອນ ຮ໊ອບກິນສ ທີ່ເມືອງບັລຕິມໍ ໃນລັດແມຣິແລນຂອງອາເມຣິກາ ລາຍງານສະຖານະການໄວຣັດໂຄວິດ-19 ເທີງໂລກ ວ່ານັບຕັ້ງແຕ່ມີການຢືນຢັນຜູ້ຕິດເຊື້ອຄົນທຳອິດທີ່ເມືອງອູ່ຮັ່ນໃນປະເທດຈີນ ເມື່ອເດືອນທັນວາ ປີຜ່ານມາທົ່ວໂລກມີຜູ້ເຈັບປ່ວຍຈາກການຕິດເຊື້ອໄວຣັດໂຄໂຣນາສາຍພັນໃຫ່ມສະສົມລວມກັນປະມານ 4.5 ລ້ານຄົນ ປິ່ນປົວຫາຍດີແລ້ວປະມານ 1.5 ລ້ານຄົນ ແຕ່ເສຍຊີວິດລວມກັນແລ້ວຫລາຍກວ່າ 300,000 ຄົນ

ທັງນີ້ ອາເມຣິກາຍັງຄົງເປັນປະເທດມີທັງຜູ້ເສຍຊີວິດ ແລະຜູ້ຕິດເຊື້ອສະສົມຫລາຍທີ່ສຸດ ຄືຫລາຍກວ່າ 1.4 ລ້ານຄົນ ປົວດີແລ້ວປະມານ 310,000 ຄົນ ແຕ່ເສຍຊີວິດເພີ່ມເປັນປະມານ 86,000 ຄົນ ຮອງລົງມາຄືຣັດເຊຍທີ່ມີຜູ້ຕິດເຊື້ອສະສົມສູງຂື້ນຢ່າງວ່ອງໄວເປັນຫລາຍກວ່າ 250,000 ຄົນ ປົວດີແລ້ວ 53,530 ຄົນ ແລະເສຍຊີວິດຢ່າງນ້ອຍ 2,305 ຄົນ
ອັງກິດມີຜູ້ຕິດເຊື້ອຢ່າງຫນ້ອຍ 234,439 ຄົນ ປົວດີແລ້ວ 1,043 ຄົນ ແລະເສຍຊີວິດຢ່າງນ້ອຍ 33,693 ຄົນ ສະເປນມີຜູ້ຕິດເຊື້ອສະສົມຢ່າງຫນ້ອຍ 229,540 ຄົນ ປົວດີແລ້ວ 143,374 ຄົນ ແລະເສຍຊີວິດຢ່າງຫນ້ອຍ 27,321 ຄົນ ອິຕາລີມີຜູ້ຕິດເຊື້ອສະສົມຢ່າງຫນ້ອຍ 223,096 ຄົນ ປົວດີແລ້ວ 115,288 ຄົນ ແລະເສຍຊີວິດຢ່າງນ້ອຍ 31,368 ຄົນ

ຂະນະທີ່ສະຖານະການໃນບຣາຊິລຍັງຢູ່ໃນລະດັບວິກິດໂດຍພົບຜູ້ຕິດເຊື້ອລາຍໃຫ່ມໃນຮອບ 24 ຊົ່ວໂມງ 13,761 ຄົນ ເພີ່ມສະຖິຕິສະສົມເປັນຢ່າງຫນ້ອຍ 202,918 ຄົນ ປົວດີແລ້ວ 79,479 ຄົນ ແລະເສຍຊີວິດຢ່າງຫນ້ອຍ 13,993 ຄົນ ເພີ່ມຂື້ນ 835 ຄົນພາຍໃນເວລາພຽງ 24 ຊົ່ວໂມງ

ດ້ານປະເທດທີ່ມີຜູ້ຕິດເຊື້ອສະສົມຫລາຍທີ່ສຸດໃນອາຊຽນຄືສິງກະໂປ 26,098 ຄົນ ປົວດີແລ້ວ 5,973 ຄົນ ແລະເສຍຊີວິດຢ່າງຫນ້ອຍ 21 ຄົນ ຕາມດ້ວຍອິນໂດເນເຊຍມີຜູ້ຕິດເຊື້ອສະສົມຢ່າງຫນ້ອຍ 16,006 ຄົນ ປົວດີແລ້ວ 3,518 ຄົນ ແລະເສຍຊີວິດຢ່າງຫນ້ອຍ 1,043 ຄົນ ແລະຟີລິບປິນມີຜູ້ຕິດເຊື້ອສະສົມຢ່າງຫນ້ອຍ 11,876 ຄົນ ປົວດີແລ້ວ 2,337 ຄົນ ແລະເສຍຊີວິດຢ່າງຫນ້ອຍ 790 ຄົນ