28/05/2020

ABClao

ຂ່າວສານເພື່ອສັງຄົມ

ຣັດເຊຍ ຕິດໂຄວິດ-19 ຫລາຍເປັນອັນດັບ 4 ຂອງໂລກ

ວັນຈັນ (11 ພຶດສະພາ) ຖະແຫຼງການຈາກສູນຮັບມືການແຜ່ລະບາດຂອງໂລກຕິດເຊື້ອໄວຣັດໂຄໂຣນາສາຍພັນໃຫ່ມ (ໂຄວິດ-19) ຂອງຣັດເຊຍ ລະບຸວ່າຣັດເຊຍພົບຜູ້ຕິດເຊື້ອໂຄວິດ-19 ລາຍໃຫ່ມ 11,656 ລາຍ ໃນຊ່ວງ 24 ຊົ່ວໂມງທີ່ຜ່ານມາ ສົ່ງຜົນໃຫ້ຍອດຜູ້ຕິດເຊື້ອສະສົມຢູ່ທີ່ 221,344 ລາຍ ຫລາຍທີ່ສຸດເປັນອັນດັບ 4 ຂອງໂລກ ຮອງຈາກ ອາເມຣິກາ ສະເປນ ແລະອັງກິດ

ຂໍ້ມູນຈາກສູນເຜີຍວ່າການເພີ່ມຂື້ນຂອງຜູ້ຕິດເຊື້ອລາຍໃຫ່ມໃນຣັດເຊຍສູງກວ່າ 10,000 ລາຍຕໍ່ວັນ ຕິດຕໍ່ກັນດົນ 9 ວັນແລ້ວ ຖະແຫຼງການລະບຸວ່າຣັດເຊຍມີຜູ້ເສຍຊີວິດເພີ່ມ 94 ລາຍ ສົ່ງຜົນໃຫ້ຍອດຜູ້ເສຍຊີວິດສະສົມຢູ່ທີ່ 2,009 ລາຍ ສ່ວນຜູ້ປິ່ນປົວຫາຍດີເພີ່ມຂື້ນ 5,495 ລາຍ ໃນຊ່ວງ 24 ຊົ່ວໂມງທີ່ຜ່ານມາ ສົ່ງຜົນໃຫ້ຍອດສະສົມຢູ່ທີ່ຢ່າງຫນ້ອຍ 39,801 ລາຍ

ນະຄອນມອສໂກ ຊື່ງເປັນພື້ນທີ່ທີ່ໄດ້ຮັບຜົນກະທົບຈາກການລະບາດຮຸນແຮງທີ່ສຸດໃນປະເທດ ພົບຜູ້ຕິດໂຄວິດ-19 ລາຍໃຫ່ມ 6,169 ລາຍ ໃນຊ່ວງ 24 ຊົ່ວໂມງທີ່ຜ່ານມາ ເຮັດໃຫ້ມີຜູ້ຕິດເຊື້ອສະສົມ 115,909 ລາຍ

ດ້ານຫນ່ວຍງານດູແລສິດຜູ້ບໍລິໂພກແລະຄວາມເປັນຢູ່ຂອງປະຊາຊົນຂອງຣັດເຊຍລະບຸວ່າຣັດເຊຍມີຜູ້ທີ່ຢູ່ລະຫວ່າງການສັງເກດການທາງການການແພດລວມ 247,842 ລາຍ ເມື່ອນັບເຖິງວັນອາທິດ (10 ພຶດສະພາ) ຖະແຫຼງການຂອງຫນ່ວຍງານລະບຸວ່າຈົນເຖິງຂະນະນີ້ຣັດເຊຍດຳເນີນການກວດຫາເຊື້ອໂຄວິດ-19 ໃນຫ້ອງປະຕິບັດການແລ້ວກວ່າ 5.6 ລ້ານຄັ້ງທົ່ວປະເທດ