28/05/2020

ABClao

ຂ່າວສານເພື່ອສັງຄົມ

ກອງທັບອີຣ່ານ ພາດຍິງຂີປະນາວຸດໃສ່ເຮືອນ້ອຍທະຫານລະຫວ່າງຊ້ອມຮົບເສຍຊີວິດກ່ວາ 30 ຄົນ (ຄລິບ)

ສຳນັກຂ່າວຕ່າງປະເທດລາຍງານເມື່ອ ວັນທີ່ 11 ພຶດສະພາ2020 ວ່າ ເກີດເຫດ ເຮືອພິຄາດຈາມາຮັນ ຂອງກອງກຳລັງພິທັກການປະຕິວັດອິສລາມຂອງອີຣ່ານ (ໄອອາຣຈີຊີ) ພາດຍິງ ຂີປະນາວຸດຊີ-802 ນູຣໃສ່ ເຮືອຄອນນາຣາກ ເຮືອເອເນກປະສົງຂອງກອງທັບລະຫວ່າງຊ້ອມຮົບທາງທະເລບໍລິເວນຊ່ອງແຄບຮໍມຸຊ ໃນອ່າວເປີເຊຍເມື່ອວັນທີ່ 10 ພຶດສະພາເບື້ອງຕົ້ນພົບຜູ້ເສຍຊີວິດປະມານ 30-40 ລາຍ ເປັນລູກເຮືອ ລວມເຖິງຜູ້ບັນຊາການເຮືອຄອນນາຣາກ

ຂະນະທີແຫຼ່ງຂ່າວເຜີຍວ່າເຫດດັງກ່າວເກີດຂື້ນເພາະເຮືອຈາມາຮັນຍິງຂີປະນາວຸດໄວກວ່າກຳນົດ ເຮັດໃຫ້ເຮືອຄອນນາຣາກບໍ່ມີເວລາພໍທີ່ຈະປ່ຽນເສັ້ນທາງເພື່ອຫຼົບວິຖີຍິງ ແລະກ່າວວ່າກອງກຳລັງພິທັກອີຣ່ານຕຳຫນິວ່າເປັນຄວາມຜິດພາດຂອງມະນຸດ ແຕ່ຍັງບໍ່ມີຖະແຫຼງຢ່າງເປັນທາງການ

ກ່ອນຫນ້ານີ້ ອີຣ່ານເຄີຍໂຈມຕີເຮືອບິນດ້ວຍຄວາມຜິດພາດ ເພາະຄິດວ່າເປັນອາວຸດຈາກອາເມຣິກາ ຈົນເປັນເຫດໃຫ້ຄົນເທີງເຮືອບິນທັງລຳຂອງ ສາຍການບິນຢູເຄຼນ ອິນເຕີເນຊັ່ນແນລ ແອຣລາຍ 176 ລາຍ ເສຍຊີວິດ ເມື່ອວັນທີ່ 8 ມັງກອນ 2020