28/05/2020

ABClao

ຂ່າວສານເພື່ອສັງຄົມ

ພົບຜູ້ຕິດໂຄວິດ-19 ລາຍໃຫ່ມໃນອູ່ຮັ່ນ

ສຳນັກຂ່າວຕ່າງປະເທດລາຍງານເມື່ອວັນທີ່ 11 ພຶດສະພາ 2020 ວ່າຄະນະກຳມະທິການສາທາລະນະສຸກແຫ່ງຊາດຂອງຈີນອອກຖະແຫຼງການເມື່ອວັນຈັນ ກ່ຽວກັບສະຖານະການການແຜ່ລະບາດຂອງພະຍາດໂຄວິດ-19 ໃນປະເທດ ວ່າຈຳນວນຜູ້ເສຍຊີວິດຍັງຄົງຢູ່ທີ່ຢ່າງນ້ອຍ 4,633 ຄົນ ແລະຈຳນວນຜູ້ທີ່ໄດ້ຮັບການປິ່ນປົວຫາຍດີມີຢ່າງນ້ອຍ 78,144 ຄົນ ຫລັງແພດອະນຸຍາດໃຫ້ຜູ້ຕິດເຊື້ອ 24 ຄົນອອກຈາກໂຮງຫມໍໄດ້ເມື່ອວັນອາທິດ ຄົງເຫລືອຜູ້ປ່ວຍໃນລະບົບຢ່າງນ້ອຍ 141 ຄົນ ໃນຈຳນວນນີ້ 9 ຄົນຍັງມີອາການວິກິດ

ຂະນະທີ່ພາຍໃນຮອບ 24 ຊົ່ວໂມງທີ່ຜ່ານມາມີການຢືນຢັນພົບຜູ້ຕິດເຊື້ອລາຍໃຫ່ມອີກ 17 ຄົນ ເປັນສະຖິຕິສູງທີ່ສຸດນັບຕັ້ງແຕ່ວັນທີ່ 28 ເມສາ ແລະສົ່ງຜົນໃຫ້ສະຖິຕິຜູ້ຕິດເຊື້ອສະສົມເພີ່ມເປັນຢ່າງນ້ອຍ 82,918 ຄົນ ໂດຍຜູ້ຕິດເຊື້ອຫລ້າສຸດກຸ່ມນີ້ແບ່ງເປັນຜູ້ເດີນທາງມາຈາກຕ່າງປະເທດ 7 ຄົນ ພົບທີ່ເຂດປົກຄອງຕົນເອງມົງໂກເລຍໃນທັງຫມົດ ໂດຍ 5 ຄົນຢູ່ທີ່ເມືອງອູ່ຮັ່ນ ພື້ນທີ່ເລີ່ມຕົ້ນການລະບາດຂອງໄວຣັດໂຄວິດ-19 ໃນຈີນເມື່ອທ້າຍປີທີ່ຜ່ານມາ ຖືເປັນການພົບຜູ້ຕິດເຊື້ອລາຍວັນຫລາຍທີ່ສຸດໃນເມືອງອູ່ຮັ່ນ ນັບຕັ້ງແຕ່ວັນທີ່ 11 ມີນາທີ່ຜ່ານມາ

ນອກຈາກນີ້ຍັງເປັນວັນທີ່ 2 ຕິດຕໍ່ກັນດ້ວຍ ໃນການທີ່ເມືອງອູ່ຮັ່ນ ເມືອງເອກຂອງມົນທົນຫູເປີ່ຍ ຢືນຢັນການພົບຜູ້ຕິດເຊື້ອໄວຣັດໂຄໂຣນາສາຍພັນໃຫ່ມ ຫລັງຢືນຢັນຜູ້ຕິດເຊື້ອຄົນທຳອິດໃນພື້ນທີ່ໃນຮອບດົນກວ່າ 1 ເດືອນ ເມື່ອວັນອາທິດ

ສ່ວນສະຖານະການຂອງກຸ່ມຜູ້ຕິດເຊື້ອຍັງບໍ່ສະແດງອາການນັ້ນຍັງມີຜູ້ທີ່ຕ້ອງຢູ່ພາຍໃຕ້ການສັງເກດການອີກຢ່າງນ້ອຍ 794 ຄົນ ຫລັງເມື່ອວັນອາທິດມີການກວດພົບຜູ້ຕິດເຊື້ອລັກສະນະນີ້ອີກ 20 ຄົນ