28/05/2020

ABClao

ຂ່າວສານເພື່ອສັງຄົມ

ຜູ້ຕິດໂຄວິດ-19 ໃນຣັດເຊຍ ທະລຸ 200,000 ຄົນ

ສຳນັກຂ່າວຕ່າງປະເທດລາຍງານ ເມື່ອວັນທີ່ 10 ພຶດສະພາ 2020 ວ່າ ສູນຕອບໂຕ້ເຊື້ອໄວຣັດໂຄໂຣນາສາຍພັນໃຫ່ມຂອງຣັດເຊຍ ອອກລາຍງານເມື່ອວັນອາທິດ ກ່ຽວກັບສະຖານະການພະຍາດໂຄວິດ-19 ໃນປະເທດວ່າມີການຢືນຢັນຜູ້ຕິດເຊື້ອລາຍໃຫ່ມອີກ 11,012 ຄົນ ເພີ່ມສະຖິຕິຜູ້ປ່ວຍສະສົມເປັນຢ່າງນ້ອຍ 209,688 ຄົນ ທັງນີ້ ຣັດເຊຍລາຍງານການພົບຜູ້ຕິດພະຍາດໂຄວິດ-19 ເພີ່ມຂື້ນຫລາຍກວ່າວັນລະ 10,000 ຄົນ ຕັ້ງແຕ່ວັນທີ່ 3 ພຶດສະພາທີ່ຜ່ານມາ

 

ຂະນະທີ່ຈຳນວນຜູ້ໄດ້ຮັບການປິ່ນປົວຫາຍດີສະສົມເພີ່ມເປັນຢ່າງນ້ອຍ 34,306 ຄົນ ດ້ານຈຳນວນຜູ້ເສຍຊີວິດເພີ່ມເປັນຢ່າງນ້ອຍ 1,915 ຄົນ ເພີ່ມຂື້ນ 88 ຄົນ ທັງນີ້ ພື້ນທີ່ວິກິດທີ່ສຸດຂອງໂລກໂຄວິດ-19 ໃນຣັດເຊຍ ຄືນະຄອນມອສໂກ ມີຜູ້ປ່ວຍສະສົມຢ່າງນ້ອຍ 104,189 ຄົນ ຮັກສາຫາຍຢ່າງນ້ອຍ 12,779 ຄົນ ແຕ່ເສຍຊີວິດແລ້ວ 1,010 ຄົນ
ທັງນີ້ ທ່ານເຊີຣເກ ຊອບຍານິນ ນາຍົກເທດສະມົນຕີນະຄອນມອສໂກ ຂະຫຍາຍໄລຍະເວລາມາດຕະການລ໊ອກດາວໃນເມືອງຫລວງຂອງຣັດເຊຍ ຊື່ງມີຜົນຕັ້ງແຕ່ວັນທີ່ 30 ມີນາ ທີ່ຜ່ານມາ ໃຫ້ຄອບຄຸມຕໍ່ໄປເຖິງວັນທີ່ 31 ພຶດສະພານີ້ ຢ່າງໃດກໍ່ຕາມໂຮງງານອຸດສະຫະກຳຂະຫນາດໃຫ່ຍແລະສາຍງານກໍ່ສ້າງໃນພື້ນທີ່ສາມາດກັບມາເດີນຫນ້າຕໍ່ໄດ້ຕັ້ງແຕ່ວັນທີ່ 12 ພຶດສະພານີ້ເປັນຕົ້ນໄປ

ອີກຢ່າງ ປະຊາຊົນໃນນະຄອນມອສໂກ ຕ້ອງເຮັດໂຕໃຫ້ຄຸ້ນເຄີຍກັບວິຖີການດຳເນີນຊີວິດແບບໃຫ່ມ ຄືການຕ້ອງໃສ່ຫນ້າກາກອານາໄມຫລືຫນ້າກາກຜ້າພ້ອມຖົງມືປ້ອງກັນ ເມື່ອຢູ່ໃນສະຖານທີ່ສາທາລະນະລວມເຖິງການໃຊ້ບໍລິການຂົນສົ່ງມວນຊົນ ນັບຕັ້ງແຕ່ວັນອັງຄານນີ້ເປັນຕົ້ນໄປດ້ວຍ