28/05/2020

ABClao

ຂ່າວສານເພື່ອສັງຄົມ

ທະຫານອິນເດຍ-ຈີນ ຍົກກຸ່ມຕີກັນເທິງພູຫິມະໄລ

ສຳນັກຂ່າວຕ່າງປະເທດລາຍງານ ເມື່ອວັນທີ່ 10 ພຶດສະພາ 2020 ວ່າ ທ່ານມັນດີບ ຮູດາ ໂຄສົກກອງທັບພາກຕາເວັນອອກ ກອງທັບບົກອິນເດຍ ເຜີຍເມື່ອວັນອາທິດວ່າ ທະຫານອິນເດຍ-ຈີນ ຍົກກຸ່ມຕີກັນເທິງພູຫິມະໄລ ພຶດຕິກຳກ້າວລ້າວຂອງທັງ 2 ຝ່າຍ ເຮັດໃຫ້ທະຫານໄດ້ຮັບບາດເຈັບເລັກນ້ອຍຫລາຍຄົນ ການທະເລາະວິວາດເລີ່ມຈາກການດຶກກ້ອນຫີນຮ້ອງດ່າທ້າທາຍກັນ ກ່ອນຈະລົງເອີຍດ້ວຍການຍົກກຸ່ມຕີກັນ ໂດຍ ການປະເຊີນຫນ້າ ເກີດຂື້ນເມື່ອວັນເສົາ (9 ພຶດສະພາ) ທີ່ເຂດນາກູ ລາ ໃກ້ດ່ານຂ້າມແດນນາທູ ລາ ຄວາມສູງ 4,572 ແມັດ ຈາກລະດັບນ້ຳທະເລ ເທີງພູຫິມະໄລ ໃນເຂດລັດສິກຂິມ ທາງພາກຕາເວັນອອກສ່ຽງເຫນືອຊື່ງມີເຂດແດນຕິດກັບພູຖານ ເນປານ ແລະຈີນ

ທ່ານຮູດາ ກ່າວວ່າ ຄວາມຂັດແຍ່ງເຖິງຂັ້ນໃຊ້ກຳລັງລ່າສຸດສາມາດແກ້ໄຂໄດ້ ດ້ວຍການ ເຈລະຈາປັບຄວາມເຂົ້າໃຈ ໃນລະດັບຜູ້ນຳທ້ອງຖິ່ນ ຄວາມຮຸນແຮງລະຫວ່າງ 2 ປະເທດຄັ້ງນີ້ ນັບເປັນຄັ້ງແລກຕັ້ງແຕ່ປີ 2017 ຊື່ງທະຫານຂອງທັງ 2 ຝ່າຍຍົກກຸ່ມຕີກັນ ໃກ້ເຂດລາດັຄຂອງອິນເດຍ ທາງພາກຕາເວັນຕົກສ່ຽງເຫນືອ ໂດຍໃນປີດຽວກັນນັ້ນ ເກີດການປະເຊີນຫນ້າກັນ ໃນເຂດໂດຄລັມຂອງພູຖານ ຫລັງຈາກກອງທັບອິນເດຍສົ່ງທະຫານເຂົ້າຂັດຂວາງການຕັດຫົນທາງຂອງທະຫານກອງທັບຈີນ

ຈີນຍັງຄົງອ້າງກຳມະສິດເຫນືອດິນແດນຕາມແນວເຂດແດນຮ່ວມ ເນື້ອທີ່ປະມານ 90,000 ກິໂລຕາແມັດ ທີ່ຢູ່ໃນຄວາມຄວບຄຸມຂອງອິນເດຍ