28/05/2020

ABClao

ຂ່າວສານເພື່ອສັງຄົມ

ຜູ້ນຳເກົາຫຼີເຫນືອ ປາກົດໂຕຄັ້ງທຳອິດໃນຮອບສາມອາທິດ

ສຳນັກຂ່າວຕ່າງປະເທດລາຍງານເມື່ອວັນທີ 2 ພຶດສະພາ 2020 ວ່າ ສຳນັກຂ່າວກາງເກົາຫລີເໜືອ (ເຄຊີເອັນເອ) ກະບອກສຽງຂອງລັດຖະບານເກົາຫລີເໜືອ ລາຍງານເມື່ອວັນເສົາວ່າ ທ່ານຄິມ ຈອງ ອຶນ ຜູ້ນຳສູງສຸດຂອງເກົາຫລີເໜືອ ເດີນທາງໄປຍັງເມືອງຊັນຊ໊ອນ ໃນແຂວງພະຢ໊ອງອັນໃຕ້ ໃກ້ກັບນະຄອນຫລວງປຽງຢາງເມື່ອວັນສຸກທີ່ຜ່ານມາ ເພື່ອເປັນປະທານໃນພິທີເປີດໂຮງງານປຸ໋ຍແຫ່ງໃຫ່ມ

 

ຄວາມເຄື່ອນໄຫວດັ່ງກ່າວຖືເປັນການປາກົດໂຕຢ່າງເປັນທາງການຄັ້ງທຳອິດໃນຮອບ 21 ວັນຂອງທ່ານຄິມ ຈອງ ອຶນ ຊຶ່ງເຄຊີເອ໊ນເອລາຍງານພ້ອມເຜີຍແຜ່ພາບຄັ້ງຫລ້າສຸດເມື່ອວັນທີ 11 ເມສາ ທີ່ຜ່ານມາ ເປັນການປະຊຸມຄະນະກຳມາທິການລະດັບສູງຂອງພັກແຮງງານເກົາຫລີ ແຕ່ຫລັງຈາກນັ້ນທ່ານໄດ້ຫາຍໄປ ໂດຍສະເພາະຢ່າງຍິ່ງບໍ່ໄດ້ເຂົ້າຮ່ວມພິທີລະນຶກຄົບຮອບວັນຄ້າຍວັນເກີດ 108 ຂອງທ່ານຄິມ ອິລ ຊຸງ ຜູ້ກໍ່ຕັ້ງປະເທດ ແລະປະທານາທິບໍດີຕະຫລອດການ ຊຶ່ງເປັນປູ່ຂອງທ່ານ ເມື່ອວັນທີ 15 ເມສາ ທີ່ຜ່ານມາຊຶ່ງໄດ້ເຮັດໃຫ້ເກີດປະເດັນຄາດເດົາໄປຕ່າງໆນາໆ