ແຂວງ ບໍລິຄຳໄຊເຮັດແທ້ ຮື້ປ້າຍໂຄສະນະທີ່ບໍ່ຖືກຕ້ອງອອກໃຫ້ໝົດ

ອີງຕາມກົດໝາຍ ວ່າດ້ວຍປ້າຍເລກທີ່ 50/ສພຊ, ລົງວັນທີ 21 ມິຖຸນາ 2018; ອີງຕາມຂໍ້ຕົກລົງຂອງຫົວໜ້າພະແນກ ຖວທ ແຂວງ ເລກທີ່ 010/ຖວທ ຂ, ລົງວັນທີ 7 ມັງກອນ 2020 ວ່າດ້ວຍການແຕ່ງຕັ້ງ ຄະນະກໍາມະການຂັ້ນພະແນກ ລົງສົມທົບກັບເມືອງ ແກ້ໄຂປ້າຍໂຄສະນາທີ່ບໍ່ຖືກຕ້ອງ ແລະ ການເປີດເພັງລາວ ຕາມຮ້ານອາຫານ-ບັນເທິງ

ອີງຕາມທິດຊີ້ນໍາຂອງຄະນະອະນຸກໍາມະການຂະບວນການຕ້ອນຮັບກອງປະຊຸມໃຫ່ຍຄັ້ງທີ່ VII ຂອງອົງຄະນະພັກແຂວງ ໃນການກະກຽມຕ້ອນຮັບກອງປະຊຸມໃຫຍ່ຂອງອົງຄະນະພັກແຂວງ ຄັ້ງທີ່ VII ທີ່ຈະໄຂຂຶ້ນໃນມໍ່ໆນີ້ ແລະ ທັງເປັນການກວດກາຄວາມເປັນລະບຽບຮຽບຮ້ອຍ ແລະ ສວຍງາມໃນການປະດາເທດສະບານເມືອງປາກຊັນໃຫ້ມີຄວາມສະອາດຈົບງາມ

ມາໃນວັນທີ 1 ກັນຍານີ້ ທ່ານ ບົວສອນ ບຸດຊາດອນ ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ພ້ອມດ້ວຍພະນັກງານວິຊາການຂະແໜງວັດທະນະທໍາ ສົມທົບກັບຫ້ອງການ ຖວທ ເມືອງປາກຊັນ ໄດ້ລົງແກ້ໄຂປ້າຍໂຄສະນາທີ່ບໍ່ຖືກຕ້ອງ, ປ້າຍເກົ່າແກ່-ຈີກຂາດ ແລະ ຕາຍສີ ບໍ່ມີຄວາມສວຍງາມ ພ້ອມທັງເຮັດບົດບັນທຶກກັບເຈົ້າຂອງປ້າຍທີ່ບໍ່ຖືກຕ້ອງ, ປ້າຍຕາຍສີ ແລະ ປ້າຍທີ່ມີພາສາຕ່າງປະເທດໃຫຍ່ກວ່າພາສາລາວ ໄດ້ທັງໝົດ 15 ປ້າຍ ຢູ່ຕາມພາຍໃນເທດສະບານເມືອງປາກຊັນ