ພໍ່ຕູ້ອາຍຸ 73ປີ ນັ່ງໂຕສັ່ນຄິດວ່າບໍ່ສະບາຍ ພໍຮູ້ຄວາມຈີງຖືກເລກລາງວັນທີ່1

ເມື່ອວັນທີ 1 ກັນຍາ 2020 ມີລາຍງານວ່າທີ່ຈັງຫວັດ ອໍານາດຈະເລີນ ມີພໍ່ຕູ້ໄວ 73ປີ ຖືກລສງວັນທີ 1 ງວດວັນທີ 1 ກັນຍາ 2020  ໝາຍເລກ999997 1 ໃບ ຮູ້ຊື່ພາຍຫຼັງແມ່ນພໍ່ຕູ້ ເລີດ ມູນຈັນດາ ເປັນໝໍແຄນຊື່ດັງ ຂອງບ້ານປາຄ້າວ ຕໍາບົນປາຄ້າວ ອໍາເພີເມືອງ ຈັງຫວັດອໍານາດຈະເລີນ ພາຍຫຼັງທີ່ຮູ້ວ່າຕົນເອງຖືກຫວຍ ໄດ້ເດີນທາງມາອາໄສຢູ່ກັບລູກສາວ

ໂດຍພໍ່ຕູ້ເລີດຜູ້ຖືກຫວຍ ເປີດເຜີຍວ່າ ວັນອາທິດທີ່ຜ່ານມາ ມີແມ່ຄ້າຂາຍຫວຍ ມາຂາຍທີ່ຕະຫຼາດພາຍໃນໝູ່ບ້ານ ຕົນເຫັນວ່າເລກງາມດີບໍ່ເຄີຍເຫັນເລກ 9 ຫຼາຍຂະໜາດນີ້ ແລະ ເຫຼືອພຽງໃບດຽວ ຈຶ່ງຕັດສິນໃຈຊື້ ບໍ່ຄາດຄິດມາກ່ອນວ່າມັນຈະຖືກລາງວັນທີ 1, ສ່ວນເງິນລາງວັນທີໄດ້ນັ້ນ ຕັ້ງໃຈຈະນໍາໄປໃຊ້ໜີ້ທະນາຄານ ແລະ ໃຊ້ໜີ້ໃຫ້ກັບລູກທຸກຄົນ ສ່ວນໜຶ່ງກໍ່ຈະເອົາມາສ້າງເຮືອນ ດ້ານນາງສາວ ສຸທາທິນີ ມູນຈັນດາ ລູກສາວ ໄວ 36ປີ ເຜີຍວ່າ ປົກກະຕິພໍ່ຈະມາຢູ່ນໍາ ເພາະເພິ່ນອາຍຸຫຼາຍແລ້ວ ຢາກໃຫ້ມາຢູ່ໃກ້ຈະໄດ້ເບິ່ງແຍງດູແລໄດ້ສະດວກ ແຕ່ເມື່ອວັນເສົ້າ-ອາທິດ ທີ່ຜ່ານມາ ພໍ່ຢາກກັບບ້ານທີ່ນອກເມືອງ ແລະ ຫາກໍ່ກັບມາຫາຕົນເອງ ເມື່ອບໍ່ດົນມານີ້ ຕອນຫວຍອອກຕົນບໍ່ໄດ້ຢູ່ບ້ານ ມີຄົນໂທມາບອກວ່າພໍ່ຖືກລາງວັນທີ 1  ເຊິ່ງຕົນກໍ່ງົງຢູ່ວ່າແມ່ນແທ້ບໍ່

ເມື່ອກັບມາຮອດເຮືອນເຫັນພໍ່ນັ່ງໂຕສັ່ນຢູ່ ຕົກໃຈນຶກວ່າເພິ່ນບໍ່ສະບາຍ ຈຶ່ງຮີບເຂົາມາເບິ່ງ ພໍ່ກໍ່ບອກວ່າພໍ່ຖືກລາງວັນທີ 1 ຈຶ່ງກວດເບິ່ງຫວຍຂອງພໍ່ ກໍ່ປາກົດວ່າຖືກແທ້. ແຕ່ຕົນກັບຄອບຄົວກໍ່ຕັດສິນໃຈຈະບໍ່ແຈ້ງຄວາມ ແລະ ບໍ່ໃຫ້ໃຜຮູ້ ແຕ່ປາກົດວ່າຄົນຮູ້ຫຼາຍຂຶ້ນ ຈຶ່ງຕັດສິນໃຈພາພໍ່ໄປລົງບັນທຶກປະຈໍາວັນໄວ້

ທີ່ມາ:thairath