ຄົນຮ້າຍສາມຄົນ ຈັບໂຕປະກັນເພື່ອເອີ້ນຄ່າໄຖ່

ປກສ ບໍ່ແກ້ວລາຍງານ ສາມາດຈັບຄົນຮ້າຍສາມຄົນ ທີ່ຈັບໂຕປະກັນເພື່ອເອີ້ນຄ່າໄຖ່ 500,000 ບາດ ຄົນຮ້າຍທັງສາມຄົນມີອາຊີບເປັນພະນັກງານຕຳຫລວດ ເຊີ່ງຈັບໂຕປະກັນ 1 ຄົນທີແຂວງບໍ່ແກ້ວ ເພື່ອເອີ້ນຄ່າໄຖ່ ປະຈຸບັນຈັບໄດ້ແລ້ວ

ເວລາ 23:45 ວັນທີ່ 7 ກັນຍາ 2020 ໄດ້ຮັບແຈ້ງ ເກີດເຫດ ຄົນຮ້າຍ 3 ຄົນ ຈັບຕົວປະກັນເພື່ອເອີ້ນຄ່າໄຖ່ ຈຸດເກີດເຫດແມ່ນໂຮງແຮມຫ້ວຍຊາຍ ຣີເວີຊາຍ ບ້ານໃຫຍ່ຫ້ວຍຊາຍເໜືອ, ເມືອງຫ້ວຍຊາຍ, ແຂວງບໍ່ແກ້ວ

ເຈົ້າໜ້າທີ່ຈິ່ງ ລົງກວດສອບເຫັນວ່າມີມູນຄວາມຈິງ, ຈິ່ງແຕ່ງຕັ້ງໜ່ວຍສະເພາະກິດ ໄລ່ຈັບລົດເປົ້າໝາຍ, ໂດຍ ປກສ ເຂດນໍ້າເກິງ ສາມາດຕາມຈັບໄດ້ໃນເວລາ 00:25 ວັນທີ່ 8 ກັນຍາ 2020 ສາມາດຈັບໄດ້ຄົນຮ້າຍ 3 ຄົນ (ເປັນເຈົ້າໜ້າທີ່ 2 ຄົນ), ແລະ ຊ່ວຍຕົວປະກັນ 1 ຄົນ ເພດຍິງ