ສະຖານີໂທລະພາບຊ່ອງເຈັດຂອງລາວ ເປີດເປັນທາງການແລ້ວໃນວັນທີ່ 09/09/2020

ພິທີເປີດນໍາໃຊ້ສະຖານີໂທລະພາບຊ່ອງ 7 ຂອງກະຊວງປ້ອງກັນປະເທດ ໃນຕອນເຊົ້າວັນທີ 9 ກັນຍາ 2020 ຢູ່ສະຖານນີໂທລະພາບຊ່ອງ7 ກອງທັບປະຊາຊົນລາວ ນະຄອນຫລວງວຽງຈັນ ມີ ພົນເອກ ຈັນສະຫມອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ທ່ານ ສະຫວັນຄອນ ຣາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ ວັດທະນະທໍາແລະທ່ອງທ່ຽວ, ຮອງລັດຖະມົນຕີກະຊວງໄປສະນີໂທລະຄົມມະນາຄົມແລະການສື່ສານ,ເອກອັກຄະລັດຖະທູດຈີນປະຈໍາລາວ ນາຍແລະພົນທະທານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມໃນພິທີ, ທ່ານພົນເອກ ຈັນສະໝອນ ຈັນຍາລາດ ໄດ້ມີຄໍາເຫັນກ່າວເປີດນໍາໃຊ້ສະຖານີໂທລະ ພາບແຫ່ງນີ້ວ່າ: ສະຖານີໂທລະພາບຊ່ອງ 7 ນີ້, ເປີດຂຶ້ນເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງຂອງພັກ-ລັດ ກໍຄື ກະຊວງປ້ອງກັນປະເທດ ໃນສະເພາະໜ້າ ແລະ ຍາວນານ ເພື່ອເຮັດໃຫ້ວຽກງານໂຄສະນາ-ຂ່າວສານ ຂອງກອງທັບປະຊາຊົນລາວມີບາດກ້າວໃໝ່ ແລະ ຖືໂອກາດນີ້, ຕາງໜ້າໃຫ້ຄະນະນໍາກະຊວງປ້ອງກັນປະເທດ ແຫ່ງ ສປປ ລາວ ຂໍສະແດງຄວາມຂອບໃຈ ແລະ ຍ້ອງຍໍຊົມເຊີຍຜົນງານ ແລະ ຄຸນງາມຄວາມດີ ຂອງກະຊວງປ້ອງກັນປະເທດແຫ່ງ ສປ ຈີນ ທີ່ໄດ້ໃຫ້ການຊ່ວຍເຫລືອພາລະກິດປະຕິວັດລາວ

ເວົ້າລວມ, ເວົ້າສະເພາະ ແມ່ນຊ່ວຍເຫລືອກອງທັບປະຊາຊົນລາວຕະຫລອດມາ. ພ້ອມທັງຮຽກຮ້ອງໃຫ້ຄະນະພັກ-ຄະນະນໍາ ແລະ ພະນັກງານຂອງສະຖານີໂທລະພາບທຸກສະຫາຍ ສືບຕໍ່ຍົກສູງຄວາມຮັບຜິດຊອບໃນໜ້າທີ່ວຽກງານ, ເອົາໃຈໃສ່ຄຸ້ມຄອງ, ບໍາລຸງຮັກສາ ແລະ ນໍາໃຊ້ສະຖານີໂທລະພາບນີ້ ໃຫ້ໄດ້ຮັບຜົນດີທີ່ສຸດທ່ານພົນຕີ ສອນທອງ ພົມລາວົງ ຮອງກົມໃຫຍ່ການເມືອງກອງທັບ ແຈ້ງໃຫ້ຮູ້ວ່າ: ສະຖານີໂທ ລະພາບຊ່ອງ 7 ນີ້, ແມ່ນກອງທັບປົດປ່ອຍປະຊາຊົນຈີນ ໄດ້ໃຫ້ການຊ່ວຍເຫລືອກໍ່ສ້າງໃນມູນຄ່າຫລາຍກວ່າ 11 ຕື້ກວ່າກີບ, ເຊິ່ງປະກອບມີ:

ອາຄານສູງ 4 ຊັ້ນ, ມີຫ້ອງສະຕູດີໂອ 2 ຫ້ອງ, ຫ້ອງອັດສຽງ 1 ຫ້ອງ, ຫ້ອງເຕັກນິກຕັດຕໍ່ 1 ຫ້ອງ ແລະ ຫ້ອງການບໍລິຫານ, ພ້ອມດ້ວຍອຸປະກອນເຕັກນິກຄົບຊຸດ, ໂດຍສົ່ງສັນຍານຜ່ານດາວທຽມລາວແຊັດ 1 ແລະ ນໍາໃຊ້ສັນຍານເຊື່ອມຕໍ່ສາຍສົ່ງ (DPLC) ຂອງບໍລິສັດສະ ກາຍໂທລະຄົມລາວນໍາອີກ ຂ່າວ: ສຸພາສະຫວັນ,​ ຂປລ