ເກົາຫຼີເໜືອຈະບໍ່ຍອມຮັບເອົາການຊ່ວຍເໜືອຈາກພາຍນອກເພາະຢ້ານນຳເຊື້ອ Covid-19 ເຂົ້າມາ

ສຳນັກຂ່າວຈາກ VietNamNet ຂອງຫວຽດນາມວັນທີ 14 ສິງຫານີ້ວ່າ: ຜູ້ນຳເກົາຫຼີເໜືອ ຄີມຈອງອູນ ກ່າວວ່າ: ເຖິງແມ່ນວ່າຈະໄດ້ຮັບຜົນເສຍຫາຍຢ່າງຫຼວງຫຼາຍກໍຕາມ ແຕ່ເກົາຫຼີເໜືອຈະບໍ່ຍອມຮັບເອົາການຊ່ວຍເໜືອຈາກພາຍນອກເຂົ້າມາ ເພາະຢ້ານຕິດເຊື້ອໂຄວິດ-19

ສຳນັກຂ່າວ Yonhap ຂອງເກົາຫຼີໃຕ້ ໃຫ້ຮູ້ວ່າ: ທ່ານຄີມປະກາດຄືແນວນັ້ນ ໃນຂະນະທີ່ລວມກົມການເມືອງຂອງພັກແຮງງານເກົາຫຼີໃນວັນທີ 13 ສິງຫາ ເພື່ອຟື້ນຟູຫຼັງນໍ້າຖ້ວມ, ພ້ອມດຽວກັນທ່ານຍັງເນັ້້ນໃຫ້ຄວາມສຳຄັນໃນການປ້ອງກັນພະຍາດໂຄວິດ-19 ທີ່ຈະມານຳນໍ້າອີກດ້ວຍ.ໃນກອງປະຊຸມຄັ້ງນີ້

ທ່ານຄີມຈອງອູນຍັງໄດ້ປະກາດ ຍົກເລີກການປິດປະຕູເປັນເວລາ 3 ອາທິດຢຸ່ເມືອງ ແຄຊອງ ແລະ ຂົງເຂດທີ່ໃກ້ຄຽງ. ການປິດປະຕູເມືອງແຄຊອງໄດ້ເລີ່ມຂຶ້ນໃນວັນທີ 24 ກໍລະກົດ ພາຍຫຼັງມີຜູ້ຊາຍເກົາຫຼີເໜືອຄົນໜຶ່ງຢູ່ເກົາຫຼີໃຕ້ທີ່ຕິດໂຄວິດ-19 ໄດ້ລັກລອບເຂົ້າມາໃນເກົາຫຼີເໜືອ.ເກົາຫຼີເໜືອປະກາດວ່າ: ມາເຖິງຂະນະນີ້ ເກົາຫຼີເໜືອຍັງບໍ່ມີຜູ້ຕິດເຊື້ອແມ່ນແຕ່ລານດຽວ

ທ່ານຄີມເວົ້າວ່າ: ວິທີການປ້ອງກັນໂຄວິດ-19 ໄດ້ຈັດຕັ້ງປະຕິບັດຢ່າງເຄັ່ງຄັດ ເພື່ອປ້ອງກັນຄວາມສ່ຽງທີ່ຈະຕິດເຊື້ອເຂົ້າມາໃນເກົາຫຼີເໜືອ.ໃນຂະນະທີ່ປະກາດຍົກເລີກການປິດປະຕູນັ້ນ, ຜູ້ນຳເກົາຫຼີເໜືອໄດ້ຮຽກຮ້ອງໃຫ້ມີການຄວບຄຸມການເຂົ້າອອກຕາມເສັ້ນຊາຍແດນຢ່າງເຄັ່ງຄັດ, ພ້ອມດຽວກັນນັ້ນກໍຮຽກຮ້ອງໃຫ້ຊຸມຊົນບໍ່ຮັບເອົາການຊ່ວຍເຫຼືອໃດໆຈາກພາຍນອກທີ່ກ່ຽວຂ້ອງກັບໄພນໍ້າຖ້ວມຈາກການຝົນຕົກໜັກ