ລ່າສຸດ ມີການຂຽນຄຳຂໍຊີ້ແຈງເພື່ອຖອນຟ້ອງເຈົ້າອະທິການວັດໜອງພະຍາ ເນື່ອງຈາກມີຄົນໃສ່ຮ້າຍປາຍສີ

ກໍລະນີການປິດປະຕູວັດໜອງພະຍາ ທີ່ຮືຮາກັນໃນວັນທີ 2​ ກັນຍາຜ່ານມາ ເຊິ່ງຮອງເຈົ້າເມືອງໄຊທານີ ອອກມາ​ຊີ້ແຈງ​ວ່າ​ ເຈົ້າໜ້າທີ່ປະຕິບັດຕາມຂໍ້ຕົກຂອງຝ່າຍສົງ ທີ່ເຫັນວ່າເຈົ້າອະທິການວັດ ແລະຝ່າຍປົກຄອງມີກໍລະນີພິພາດກັນມາດົນ​ ຈຶ່ງຕົກລົງໃຫ້ເຈົ້າອະທິການວັດຍ້າຍອອກຈາກວັດດັ່ງກ່າວບໍ່ກາຍ 30​ສິງຫາ,​ ດັ່ງນັ້ນ​ ຈຶ່ງມີກໍລະນີປິດປະຕູວັດຢ້ານຊາວພຸດເຂົ້າໄປກໍ່ຂະບວນຕໍ່ຕ້ານ

ຝ່າຍສົງໃນວັດດັ່ງກ່າວກໍອອກມາໃຫ້ສຳພາດຕໍ່ສື່ວ່າ​ ກໍລະນີດັ່ງກ່າວແມ່ນເກີດຈາກຂັດແຍ່ງທີ່ດິນວັດ ເນື່ອງຈາກນາຍບ້ານດັ່ງກ່າວເຄີຍຖວາຍໃຫ້ວັດ​ ແຕ່ຕໍ່ມາແມ່ນຈະມາຮ້ອງຟ້ອງຄືນ ເພື່ອຈະໄປເຮັດທຸລະກິດ ໂດຍມີສ່ວນຮ່ວມກັບຮອງເຈົ້າເມືອງ. ຫຼ້າສຸດ​ ເຟສບຸກ​ຊື່​ Souutchay​ ladsavong ໄດ້ໂພສໜັງສືຄຳຮ້ອງຂໍຊີ້ແຈງ ກໍລະນີດັ່ງກ່າວ ໂດຍລະບຸວ່າ ຂໍຖອນຄຳຮ້ອງຟ້ອງຂອງຄອບຄົວນາງຈັນທະພອນ ສີຫາລາດ (ແມ່ໃຫຍ່)​ຕໍ່ກັບພະອາຈານ ສົງປອງ ທອງພຽນ ເຈົ້າອະທິການວັດໜອງພະຍາ