ລາຍງານດ່ວນ ທີມອ້າຍນ້ອງທະຫານທີ່ໄປແຂ່ງຂັນຢູ່ຣັດເຊຍ ເດີນທາງມາລາວຕິດເຊື້ອໂຄວິດ-19 ເພີ່ມ1ຄົນ

ຖະແຫລງຂ່າວໃນວັນທີ 11/09/2020 ລາວພົບຜູ້ຕິດເຊື້ອໂຄວິດ-19 ເພີ່ມ 1 ຄົນ. ຜູ້ຕິດເຊື້ອໃໝ່ແມ່ນເດີນທາງມາຈາກຣັດເຊຍ ແລະ ມີຄົນຮ່ວມເດີນທາງເຂົ້າມາທັງຫມົດຈຳນວນ 101ຄົນ ແມ່ນເປັນຄົນລາວທັງໝົດ ໃນນັ້ນພົບຜູ້ຕິດເຊື້ອໂຄວິດ-19. 1 ຄົນ (ພົບໃນຊ່ວງຈຳກັດບໍລິເວນ) ເຂົ້າມາວັນທີ 8 ກັນຍາ, ກວດໂຄວິດວັນທີ 9 ແຕ່ຍັງບໍ່ຊັດເຈນ ມາຮອດວັນທີ 10 ກັນຍາໄດ້ກວດເຊື້ອຄືນໃໝ່ຈື່ງຊັດເຈນວ່າຕິດເຊື້ອ

ນັກກິລາກອງທັບ ກັບຈາກຣັດເຊຍ ຕິດເຊື້ອໂຄວິດ-19 ເພດຊາຍ ອາຍຸ 29 ປີ, ສັນຊາດ: ລາວ, ອາຊີບ: ນັກກິລາກອງທັບ, ບັນຊາລົດຖັງ ກ່ອນໜ້າເດີນທາງໄປ ສ ຣັດເຊຍ ພັກຢູ່ຫໍພັກທະຫານ ຢູ່ບ້ານ ດົງສະຫວາດ, ເມືອງໄຊທານີ, ກັກໂຕຢູ່ສູນຫຼັກ 27

ວັນທີ 8 ສິງຫາ 2020 ເດີນທາງຈາກ ສປປ ລາວ ເວລາ 13:50 ໂມງ ໄປປະເທດຣັດເຊຍ ໂດຍຜ່ານ ປະເທດຫວຽດນາມ, ຜູ້ກ່ຽວເດີນທາງ ໂດຍສາຍການບິນເໝົາລຳຫວຽດນາມໄປ ສ ຣັດເຊຍ

– ກ່ອນໜ້າເດີນທາງອອກ ສປປ ລາວ, ຜູ້ກ່ຽວໄດ້ກວດຫາເຊື້ອ COVID-19 (ຄັ້ງທີ 1) ເວລາ 9:00 ໂມງ;

ວັນທີ 9 ສິງຫາ 2020ເດີນທາງຮອດ ສ. ຣັດເຊຍ ວັນທີ 09 ສິງຫາ 2020 , ທີມແພດໄດ້ເກັບຕົວຢ່າງ ກວດຫາເຊື້ອ COVID-19ໃນມື້ທຳອິດ ແລະ ກັກໂຕຢູ່ໂຮງແຮມແຕ່ວັນທີ 09 ຫາ ວັນທ 11 ສິງຫາ 2020;

ຜົນກວດບໍ່ພົບເຊື້ອ COVID-19 (ຄັ້ງທີ 2);

ວັນທີ 12 ສິງຫາ ຫາ ວັນທີ 7 ກັນຍາ 2020 ຢູ່ຄ້າຍທະຫານ, ເວລາໄປຮອດຄ້າຍທະຫານ ໄດ້ເກັບຕົວຢ່າງ ເພື່ອກວດຫາເຊື້ອ COVID-19 (ຄັ້ງທີ 3) ແລະ ຜົນກວດແມ່ນບໍ່ພົບເຊື້ອ. ທີມງານນັກກິລາ ໄດ້ອາໄສຢູ່ຄ້າຍທະຫານ ຈົນຮອດມື້ເດີນທາງກັບ ສປປ ລາວ. ເວລາກິນອາຫານແມ່ນກິນແບບບຸບເຟ່;

ໃນໄລຍະທີ່ຢູ່ ສ ຣັດເຊຍ ບໍ່ໄດ້ໄປຮວ່ມກຸ່ມກັບທີມງານຊາດອື່ນ;

ວັນທີ 26 ສິງຫາ 2020 ມີໄຂ້ຄີງຮ້ອນ ໄດ້ພົບແພດ, ໄດ້ກິນຢາດີຫັວດ ແລະ ຢາຕ້ານເຊື້ອ ຈໍານວນ 02 ແຜງ ຫຼັງຈາກນັ້ນອາການດີຂື້ນ;

ວັນທີ 7 ກັນຍາ 2020 ເດີນທາງຈາກ ສ ຣັດເຊຍ ມາ ສສ ຫວຽດນາມ, ໃນຖ້ຽວບິນມີຜູ້ໂດຍສານ ທັງໝົດປະມານ 200 ປາຍຄົນ, ໃນນັ້ນມີຄົນສັນຊາດຫວຽດນາມປະມານ 100 ປາຍຄົນ, ຍົນໄດ້ລົງສະໜາມບິນຫວຽດນາມ ເພື່ອໃຫ້ຜູ້ໂດຍສານຫວຽດນາມລົງ ແຕ່ຜູ້ໂດຍສານຄົນລາວນັ່ງຖ້າໃນຍົນ;

ມາຮອດ ສສ ຫວຽດນາມວັນທີ 08 ກັນຍາ 2020; ຜູ້ໂດຍສານເທິງເຮືອບິນທັງໝົດ ໄດ້ໃສ່ຊຸດປ້ອງກັນໂຕ (PPE), ຜູ້ກ່ຽວນັ່ງຕັ່ງເລກທີ 51 E;

ວັນທີ 8 ກັນຍາ 2020ໃນຖ້ຽວບິນຈາກ ສສ ຫວຽດນາມ ມາຈາກ ສປປ ລາວມີຜູ້ໂດຍສານທັງໝົດ 101 ຄົນ (ນັກກິລາທະຫານ 42, ນັກຮຽນທະຫານ 43, ຈຸບິນ 07 ຄົນ, ແພດ 04 ຄົນ, 05 ຄົນ ແມ່ນນັກສຶກສາຝ່າຍປົກຄອງພົນລະເຮືອນ);

ເດີນທາງມາຮອດ ສປປ ລາວ ເວລາ 9 ໂມງເຊົ້າ ແລະ ເດີນທາງໄປສູນກັກກັນຫຼັກ 27 ດວ້ຍລົດເມ;

– ຜູ້ໂດຍສານທັງໝົດໄດ້ແກ້ຊຸດປ້ອງກັນໂຕ (PPE) ຢູ່ລົດເມ ກ່ອນລົງສູນກັກກັນຫຼັກ 27;

– ໄດ້ເກັບຕົວຢ່າງກວດຫາເຊື້ອ COVID-19 ຢູ່ ສູນກັກກັນຫຼັກ 27 (ຄັ້ງທີ 1 ຫຼັງຈາກມາຮອດ ສປປ ລາວ) ໃນເວລາຢູ່ສູນກັກກັນລາວອາໄສຢູ່ກັບໝູ່ 2 ຄົນ;

ວັນທີ 9 ກັນຍາ 2020 ຜົນກວດຫາເຊື້ອ COVID-19 ບໍ່ຊັດເຈນ

ວັນທີ 10 ກັນຍາ 2020 ໄດ້ເກັບຕົວຢ່າງຄືນຄັ້ງທີ 2 ເວລາ 09:30 ໂມງ, ຕົວຢ່າງມາຮອດ ສວລ ໃນເວລາ 11:00 ໂມງ; ຜົນກວດອອກມາພົບເຊື້ອພະຍາດ COVID-19

ທ່ານ ດຣ.ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາ ລະນະສຸກ ໄດ້ລາຍງານໃຫ້ຮູ້ໃນວັນທີ 10 ກັນຍາ 2020 ນີ້ວ່າ: ມາຮອດ ວັນທີ 9 ກັນຍາ 2020 ມີຜູ້ ເດີນທາງເຂົ້າມາໃນປະເທດ ຜ່ານຈຸດຊາຍແດນຕ່າງໆ ທັງໝົດ 1.879 ຄົນ, ໃນນັ້ນຜ່ານດ່ານລາວ-ໄທ 856 ຄົນ, ຜ່ານດ່ານ ລາວ-ຈີນ 42 ຄົນ, ດ່ານລາວ-ຫວຽດນາມ 823 ຄົນ, ດ່ານລາວ-ມຽນມາ 3 ຄົນ, ຜ່ານສະໜາມບິນສາກົນວັດໄຕ 155 ຄົນ, ເຊິ່ງທັງໝົດໄດ້ວັດແທກອຸຫະພູມຮ່າງກາຍ ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກຄົນມາກວດ.

ໃນວັນດຽວກັນ ກໍໄດ້ເກັບຕົວຢ່າງມາກວດວິເຄາະທັງໝົດ 443 ຄົນ, ໃນນັ້ນ ແຮງງານລາວມາ ແຕ່ໄທ 161 ຕົວຢ່າງ, ແຮງງານຈີນ 155 ຕົວຢ່າງ, ແຮງງານລາວ ທີ່ກັບມາແຕ່ຈີນ 6 ຕົວຢ່າງ, ແຮງ ງານໄທ 9 ຕົວຢ່າງ, ບຸກຄົນທົ່ວໄປບໍ່ມີອາການ 112 ຕົວຢ່າງ, ຜົນກວດວິເຄາະທັງໝົດແມ່ນບໍ່ພົບ ເຊື້ອສັງລວມການກວດວິເຄາະແຕ່ເດືອນມັງກອນ ຮອດ ວັນທີ 23 ສິງຫາ 2020 ໄດ້ເກັບຕົວຢ່າງມາ ກວດທັງໝົດ 43.179 ຕົວຢ່າງ