ຟີລິບປິນ ມີຜູ້ເສຍຊີວິດຈາກໂຄວິດ19 ວັນດຽວ 162 ຄົນ

ສຳນັກຂ່າວຕ່າງປະເທດລາຍງານ ເມື່ອວັນທີ່ 13 ກໍລະກົດ 2020 ວ່າ ກະຊວງສາທາລະນະສຸກຂອງຟີລິບປິນອອກລາຍງານເມື່ອວັນຈັນ ກ່ຽວກັບສະຖານະການໂຄວິດ-19 ໃນຮອບ 24 ຊົ່ວໂມງລ່າສຸດ ຊື່ງເປັນການເຜີຍແຜ່ຂໍ້ມູນທີ່ ລ່າຊ້າກວ່າປົກກະຕິ ໂດຍຜູ້ປ່ວຍສະສົມມີຈຳນວນຢ່າງຫນ້ອຍ 56,259 ຄົນ ເພີ່ມຂື້ນ 2,124 ຄົນ ແບ່ງເປັນການກວດພົບ 1,690 ຄົນໃນຮອບ 72 ຊົ່ວໂມງ ແລະອີກ 434 ຄົນ ມາຈາກກຸ່ມເຝົ້າລະວັງສະສົມ

ແມ່ນວ່າຈະມີຜູ້ໄດ້ຮັບການປິ່ນປົວຫາຍດີອີກ 2,009 ຄົນໃນຮອບວັນທີ່ຜ່ານມາ ເພີ່ມສະຖິຕິຜູ້ທີ່ປົວດີແລ້ວຈາກພະຍາດໂຄວິດ-19 ເປັນຢ່າງຫນ້ອຍ 16,046 ຄົນ ຢ່າງໃດກໍ່ຕາມ ໃນຮອບ 24 ຊົ່ວໂມງທີ່ຜ່ານມາມີຜູ້ເສຍຊີວິດ 162 ຄົນ ຖືເປັນສະຖິຕິລາຍວັນສູງສຸດຄັ້ງໃຫ່ມ ແລະເພີ່ມຈຳນວນຜູ້ເສຍຊີວິດສະສົມຈາກການຕິດເຊື້ອໄວຣັດໂຄວິດ-19 ໃນຟີລິບປິນເປັນຢ່າງນ້ອຍ 1,534 ຄົນ

ທັງນີ້ ຟີລິບປິນເປັນປະເທດທຳອິດນອກຈີນ ທີ່ມີການຢືນຢັນຜູ້ເສຍຊີວິດຈາກເຊື້ອໂຄວິດ-19 ເປັນນັກທ່ອງທ່ຽວຊາຍຊາວຈີນອາຍຸ 44 ປີ ຈາກເມືອງອູ່ຮັ່ນ ເສຍຊີວິດເມື່ອວັນທີ່ 1 ກຸມພາ ທີ່ຜ່ານມາ