ບັນຫາເຮືອນເຊົ່າ ພາໃຫ້ຄົນຂັບ ຂັບລົດລົງອ່າງເກັບນ້ຳ

ສຳນັກຂ່າວຊິນຫົວລາຍງານ ເມື່ອວັນທີ 13 ກໍລະກົດ 2020 ວ່າ ຜົນການສອບສວນເຫດລົດໂດຍສານປະຈຳທາງພຸ່ງຕົກອ່າງເກັບນ້ຳທີ່ເມືອງກຸ້ຍຫຍາງ ມົນທົນກຸ້ຍໂຈວ ທາງຕາເວັນຕົກສ່ຽງໃຕ້ຂອງຈີນ ເປັນເຫດໃຫ້ມີຜູ້ເສຍຊີວິດຊີວິດ 21 ຄົນ ເປັນນັກສຶກສາຈຳນວນຫລາຍ ມີຜູ້ບາດເຈັບອີກ 15 ຄົນ ພົບ ເປັນເຈດຕະນາຂອງພະນັກງານຂັບລົດຈາກຄວາມບໍ່ພໍໃຈຕໍ່ຊີວິດ ແລະການຮື້ຖອນເຮືອນເຊົ່າທີ່ອາໄສຢູ່

ຂໍ້ມູນຈາກສຳນັກຄວາມປອດໄພສາທາລະນະນະຄອນອັນຊຸ່ນຂອງກຸ້ຍໂຈວລະບຸວ່າ ພະນັກງານຂັບລົດແຊ່ຈາງຮູ້ສຶກບໍ່ພໍໃຈກັບຊີວິດຂອງຕົນ ຕໍ່ກັບກໍລະນີທີ່ບ້ານຂອງລັດທີ່ເຂົາເຊົ່າຢູ່ຖືກຮື້ຖອນ ເຮັດໃຫ້ຈາງຕົກເປັນຜູ້ຕ້ອງສົງໄສກໍ່ ອາດຊະຍາກຳຮຸນແຮງ ທີ່ບໍ່ມຸ່ງເປົ້າໄປຍັງຄົນກຸ່ມໃດເປັນພິເສດ ແລະບ່ອນທຳລາຍຄວາມປອດໄພສາທາລະນະ ແລະຊັບສິນສາທາລະນະ ເພື່ອສ້າງກະແສໃນສັງຄົມ

ຜູ້ກໍ່ເຫດແຊ່ຈາງ ອາຍຸ 52 ປີ ວັນກໍ່ເຫດ ມີພະຍານພົບເຫັນໄປຊື້ເຄື່ອງດື່ມແອລກໍຮໍ ແລະນ້ຳອັດລົມໃກ້ບ້ານ ຈາກນັ້ນເທເຄື່ອງດື່ມແອລກໍຮໍລົງໃນແກ້ວນ້ຳອັດລົມທີ່ຖືກສວມທັບດ້ວຍຖົງພລາສະຕິກສີດຳກ່ອນຖືໄປເຮັດວຽກນຳ

ທ່ານຈາງດື່ມເຄື່ອງດື່ມດັງກ່າວລະຫວ່າງທີ່ມີຜູ້ໂດຍສານຂື້ນລົງລົດ ຕໍ່ມາ ເວລາ 12:12 ຂອງວັນອັງຄານທີ່ 7 ກໍລະກົດ ຈື່ງຊະລໍລົດບໍລິເວນໃກ້ອ່າງເກັບນ້ຳ ຖ້າໃຫ້ລົດຄັນອື່ນຂັບຜ່ານໄປ ກ່ອນຈະເລັ່ງເຄື່ອງລ້ຽວຕັດຊ່ວງຈະລາຈອນເຖິງ 5 ຊ່ອງ ພຸ່ງຕຳຮາວກັ້ນ ແລະຕົກລົງໄປໃນອ່າງເກັບນ້ຳ

ຜົນການຊັນນະສູດ ແລະຫລັກຖານວັດຖຸຕ່າງໆ ບົ່ງຊີ້ວ່າ ຈາງເສຍຊີວິດຈາກການຈົມນ້ຳ ທັງກວດພົບເອທານອລໃນຮ່າງກາຍຈາກການທົດສອບຫລາຍຄັ້ງ ແຕ່ຕັດຄວາມເປັນໄປບໍ່ໄດ້ຂອງການໃຊ້ຢານອນຫລັບ ຢາລະງັບປະສາດ ຢາກ່ຽວກັບຈິດຕະເວດ ແລະຢາອື່ນໆ ອອກໄປ

ທີມເຈົ້າຫນ້າທີ່ສືບສວນພົບວ່າ ຈາງອາໄສຢູ່ທີ່ບ້ານພັກຂອງລັດ ຊື່ງນາຍຈ້າງຈັດໃຫ້ຕອນເລີ່ມເຮັດວຽກໃນໂຮງງານເຄື່ອງຈັກໃນເຂດຊີຊິ່ວ ຕໍ່ມາ ເມື່ອເດືອນມິຖຸນາ ທ່ານຈາງລົງນາມ ຂໍ້ຕົກລົງເງີນອຸດຫນູນດ້ານການຍ້າຍທີ່ຢູ່ ຊື່ງກ່ຽວຂ້ອງກັບບ້ານພັກຫລັງດັງກ່າວກັບທາງການທ້ອງຖິ່ນແຕ່ກັບບໍ່ໄດ້ຮັບເງິນຕາມຂໍ້ຕົກລົງດັງກ່າວ

ຈາງພະຍາຍາມເຊົ່າບ້ານຂອງລັດອີກຫລັງແຕ່ບໍ່ສຳເລັດ ແລະ ເມື່ອວັນທີ່ 7 ກໍລະກົດ ທີ່ຜ່ານມາ ຈາງພົບວ່າບ້ານທີ່ຕົນເຊົ່ານັ້ນຈະຖືກຮື້ຖອນ ຈື່ງຕິດຕໍ່ສາຍດ່ວນທ້ອງຖິ່ນເພື່ອລະບາຍຄວາມບໍ່ພໍໃຈກ່ຽວກັບການຮື້ຖອນ ແລະການທີ່ເຂົາເຊົ່າບ້ານຂອງລັດອີກຫລັງຫນື່ງບໍ່ສຳເລັດ

ເຈົ້າຫນ້າທີ່ກຳລັງດຳເນີນການສອບສວນລາຍລະອຽດເພີ່ມເຕີມຂະນະທີ່ທາງການທ້ອງຖິ່ນລະບຸຈະດຳເນີນການຂັ້ນເດັດຂາດຫາກພົບການຝ່າຝືນກົດຫມາຍ ແລະລະບຽບລະຫວ່າງຂັ້ນຕອນການຮື້ຖອນບ້ານ