ນາຍບ້ານໜອງພະຍາອອກມາຊີ້ແຈງແລ້ວ ແລະ ຟັງຄຳຊີ້ແຈງຈາກທັງສາມຝ່າຍທີ່ກ່ຽວຂ້ອງ

ຈາກເຫດການ ວັນທີ່ 2 ກັນຍາ 2020 ປະຊາຊົນບ້ານໜອງພະຍາ ເມືອງໄຊທານີ ນະຄອນຫຼວງວຽງຈັນ ກໍາລັງພາກັນໄປວັດ ເພື່ອເຮັດບຸນ ເດືອນ 10 ເພັງ ບຸນເຂົ້າສະຫຼາກ ແຕ່ປະຕູວັດຖືກປິດ ໂດຍບໍ່ຮູ້ສາເຫດ

ອີງຕາມແຈ້ງການຂອງ ອພສໃຫ້ຮູ້ວ່າ: ອພສ ໄດ້ອອກ ແຈ້ງການແຕ່ວັນທີ 24 ສິງຫາທີ່ຜ່ານມາ ເພື່ອໃຫ້ເຈົ້າ ອະທິການວັດ ພຣະອາຈານສົມປອງ ທອງພຽນ ຍົກຍ້າຍອອກໄປຢູ່ວັດອື່ນກ່ອນຮອດວັນທີ 30 ສິງຫາ ແລະ ໃຫ້ວັດດັ່ງກ່າວຢູ່ໃນການຄຸ້ມຄອງຂອງ ອພສ ນະຄອນຫລວງ ຈົນກວ່າຈະມີການແຕ່ງຕັ້ງ ເຈົ້າອະທິ ການວັດຜູ້ໃໝ່. ດັ່ງນັ້ນສາເຫດທີ່ປິດປະຕູວັດ ແລະ ບໍ່ມີພິທີໃສ່ບາດຢູ່ວັດ ແມ່ນຍ້ອນສາເຫດດັ່ງກ່າວ. ສວນວ່າພຣະອາຈານສົມປອງໄດ້ເຮັດຜິດວິໄນສົງຫຍັງ ນັ້ນບໍ່ໄດ້ລະບຸໄວ້ຢູ່ໃນໃບແຈ້ງການ

ແລະນີ້ແມ່ນຟັງຄຳຊີ້ແຈງຈາກທັງສາມຝ່າຍທີ່ກ່ຽວຂ້ອງ ກ່ຽວກັບບັນ ຫາທີ່ເກີດຂຶ້ນຢູ່ວັດຫນອງພະຍາ, ເມືອງໄຊທານີ, ນະຄອນຫລງວຽງຈັນ ໃນມື້ບຸນຫໍ່ເຂົ້າສະຫລາກ ( ເຊົ້າວັນທີ 2.9.2020)